ცესკოში გასაჩივრებული შემაჯამებელი ოქმების განხილვა მიმდინარეობს

ცენტრალურ საარჩევნო კომისიაში "ევროპული საქართველოს" მიერ გასაჩივრებული შემაჯამებელი ოქმების განხილვა მიმდინარეობს. ისინი 30 ოქმის ბათილად ცნობას მოითხოვენ.

დღევანდელ სხდომას ესწრებიან: სერგი კაპანაძე, ხათუნა გოგორიშვილი, ლევან თარხნიშვილი, ოთარ კახიძე და გიორგი კანდელაკი.

როგორც სხდომის დაწყებამდე "ევროპული საქართველოს" წარმომადგენელმა, ლევან თარხნიშვილმა განაცხადა, ოქმების განხილვის პარალელურად, ქუჩის პროტესტი გაგრძელდება.

"ჩვენი მოთხოვნა არის იგივე, რაც მიტინგებზე ისმის. მიგვაჩნია, რომ ეს არჩევნები არ იყო ლეგიტიმური. შესაბამისად, შედეგები უნდა გაუქმდეს და ახალი არჩევნები დაინიშნოს. დიდი მოლოდინი ნამდვილად არ გვაქვს, რადგან საჩივრების აბსოლუტური უმრავლესობა არ იყო განხილული. ცესკო აპირებს შეაჯამოს პირველი ტურის შედეგები, მაგრამ ჩვენ გავდივართ იურიდიული იერარქიის ყველა საფეხურს. ამავე დროს, არ ვწყვეტთ იმ პროტესტს, რომელიც მიმდინარეობს ქუჩაში და ხვალ იქნება მორიგი დიდი აქცია რუსთაველის გამზირზე. იმ შემთხვევაში, თუ ჩვენი მოთხოვნა არ დაკმაყოფილდება, ამ ყველაფერს სასამართლოში გავასაჩივრებთ", -განაცხადა თარხნიშვილმა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს