რუსეთის პრეზიდენტმა ვლადიმერ პუტინმა მთიან ყარაბაღთან დაკავშირებით ჰუმანიტარული რეაგირების უწყებათაშორისი ცენტრის შექმნის შესახებ ბრძანებას ხელი მოაწერა. ინფორმაციას კრემლის პრესსამსახური ავრცელებს.

აღნიშნული ბრძანება ძალაში ხელმოწერისთანავე შედის.

ჰუმანიტარული ცენტრის ფუნქციაა დევნილების დაბრუნება, ინფრასტრუქტურის აღდგენა, ბაქოსა და ერევანს შორის თანამშრომლობის ხელშეწყობა საერთაშორისო ჰუმანიტარულ ორგანიზაციებთან.

ცენტრის ფუნქციაში, ასევე რუსეთის სახელმწიფო და საზოგადოებრივი ორგანიზაციების მოღვაწეობის კოორდინაციის უზრუნველყოფა და მთიანი ყარაბაღის რაიონების იმ მცხოვრებთათვის დახმარების აღმოჩენა შედის, რომლებიც საომარი მოქმედებების შედეგად დაზარალდნენ.