ჩინეთის საგარეო უწყების წარმომადგენელმა „დემოკრატების“ პრეზიდენტობის მთავარ კანდიდატ ჯო ბაიდენს და ვიცე-პრეზიდენტობის კანდიდატ კამალა ჰარისს არჩევნებში გამარჯვება მიულოცა.

„ჩვენ თვალყურს ვადევნებდით აშშ-ის საპრეზიდენტო არჩევნებზე რეაქციებს. ჩვენ პატივს ვცემთ ამერიკელი ხალხის არჩევანს. ვულოცავთ ჯო ბაიდენსა და კამალა ჰარისს და ამავდროულად გვესმის, რომ ამერიკის საპრეზიდენტო არჩევნების შედეგები განისაზღვრება აშშ-ს კანონებისა და პროცედურების შესაბამისად“, - განაცხადა პრესკონფერენციაზე ჩინეთის საგარეო საქმეთა სამინისტროს პრესსპიკერმა ვონ ვენბინმა.