გერმანიაში, ბოლო 24 საათში კორონავირუსის 22 461 ახალი შემთხვევა გამოვლინდა და ინფიცირებულთა საერთო რაოდენობა 775 556-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.
ამავე მონაცემების თანახმად, ქვეყანაში ვირუსსს კიდევ 178 ადამიანის სიცოცხლე ემსხვერპლა და დაღუპულთა რიცხვმა 12 378-ს მიაღწია.
ცნობისათვის, გუშინ გერმანიაში კორონავირუსის რეკორდულად მაღალი დღიური მაჩვენებელი - 23 542 ახალი შემთხვევა გამოვლინდა.
ქვეყანაში ნაწილობრივი კარანტინია გამოცხადებული. გაუქმდა საშობაო ბაზრობები, ტრადიციული აღლუმები და საკარნავალო სეზონი. 300 000 -ზე მეტი სკოლის მოსწავლე და 30 000-მდე მასწავლებელი კარანტინში იმყოფება.