გიგა ბოკერია - პროტესტი მანამდე გაგრძელდება, ვიდრე ივანიშვილი, რომელიც გვეუბნება, რომ ისე მოგვეპყრობა როგორც ცუდი პატრონი შინაურ ცხოველებს, არ მიხვდება, რომ ასე გაგრძელება შეუძლებელია

“ევროპული საქართველოს” ერთ-ერთი ლიდერის გიგა ბოკერიას განცხადებით, ხელისუფლებასთან მოლაპარაკების პარალელურად ოპოზიციის პროტესტი მანამდე გაგრძელდება, სანამ “ივანიშვილი, რომელიც გვეუბნება, რომ ისე მოგვეპყრობა როგორც ცუდი პატრონი შინაურ ცხოველებს, არ მიხვდება, რომ ასე გაგრძელება არის შეუძლებელი”. როგორც ბოკერიამ ჟურნალისტებს განუცხადა, თამაში, რომელსაც “ივანიშვილი ძალადობით თავს ახვევს ხალხს”, ქვეყნისთვის კატასტროფის ტოლფასია.

„ეს არის საზოგადოების აქტიური, კრიტიკული ნაწილის, მნიშვნელოვანი უმრავლესობის პოზიცია - მშვიდობიანი პროტესტის გაგრძელება მოლაპარაკებებთან ერთად მანამ, სანამ ივანიშვილი, რომელმაც შეურაცხყოფა მიაყენა ჩვენს საზოგადოებას და რომელიც გვეუბნება, რომ ისე მოგვეპყრობა როგორც ცუდი პატრონი შინაურ ცხოველებს, არ მიხვდება რომ ასე გაგრძელება არის შეუძლებელი და უნდა იყოს ახალი არჩევნები, ნორმალური ან არსებითად ნორნალური არჩევნები. ჩვენს ქვეყანას სხვა ალტერნატივა არ აქვს. იმ თამაშის მიღება, რასაც ივანიშვილი თავს ახვევს ძალადობით ხალხს, არის კატასტროფის ტოლფასი ამ ქვეყნისთვის. ამის შედეგებს უკვე ვიმკით და რაც უფრო დიდი ხანი გაგრძელდება, ეს შედეგები მით უფრო მძიმე იქნება, რომელიც აისახება ყველა მოქალაქის ბედზე”,- განაცხადა ბოკერიამ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა