ნიკა მელია - თამარ ჟვანიას არ უნდა ეპატიოს -თუნდაც ერთი დღით, თუნდაც სამი დღით, ის აუცილებლად უნდა მოხვდეს საპატიმროში

თამარ ჟვანიას როლი არის უკიდურესად ანტისახელმწიფოებრივი, უკიდურესად მოღალატეობრივი და მას არ უნდა ეპატიოს. ის თუნდაც ერთი დღით, თუნდაც სამი დღით, უნდა მოხვდეს საპატიმროში, - ამის შესახებ „ნაციონალური მოძრაობის“ ერთ-ერთმა ლიდერმა ნიკა მელიამ, რუსთაველის გამზირზე პარლამენტის წინ მიმდინარე საპროტესტო აქციაზე სიტყვით გამოსვლისას განაცხადა.

მელიას თქმით, ვერავინ ვერასდროს უნდა გაბედოს, რომ ამომრჩევლების ხმა ნაგვის ურნაში გადაყაროს. მან ასევე აღნიშნა, რომ რეჟიმს აქვს ორი არჩევანი, „ის ან დამარცხდება და მტკივნეულად დაენარცხება, ან მშვიდობიანად ჩაბარდება ქვეყნის მოსახლეობას.

„ხალხი ღელავს, ხალხი ვაპროტესტებთ არა მარტო რუსთაველის გამზირზე, ბათუმშიც, სადაც მერამდენე დღეა უკვე ათენებენ და აღამებენ, ასევე სხვადასხვა ქალაქში და ამ ფონზე, თამარ ჟვანია, რომლის ხელითაც გაყალბდა და გაფორმდა გაყალბებული, არშემდგარი არჩევნები, ბედავს და ამბობს, - „არ გაიშვას თქვენი გადაყენებული თამარ ჟვანიაო“. ჩვენ მას კი არ გადავაყენებთ, ჩვენ მას გავაძევებთ და გავაძევებთ იქ, სადაც არის ერის მოღალატეების ადგილი. გონს მოეგეთ ქალბატონო ჟვანია! არასდროს არ მისურვებია არავისთვის თავისუფლების შეზღუდვა, ყველა მენანება ციხისთვის, პატიმრობისთვის, მითუმეტეს, მაშინ, როდესაც წლების განმავლობაში დევნის სუბიექტი ვარ, მაგრამ თამარ ჟვანიას როლი არის უკიდურესად ანტისახელმწიფოებრივი, უკიდურესად მოღალატეობრივი და მას არ უნდა ეპატიოს, ის თუნდაც ერთი დღით, თუნდაც სამი დღით, აუცილებლად უნდა მოხვდეს საპატიმროში იმიტომ, რომ ვერავინ ვერასდროს ვერ გაბედოს, თქვენ რომ ხმას მისცემთ, იმის ნაგვის ურნაში გადაგდება. ჩვენ არ უნდა გავაბედინოთ, ჩვენში არის ძალა და ეს ძალა არის სულ უფრო და უფრო მზარდი, პროტესტი სულ უფრო და უფრო მძაფრი გახდება. ორი არჩევანი აქვს რეჟიმს, ან ის ძალიან მტკივნეულად მარცხდება და დაენარცხება ძირს, ან მშვიდობიანად ჩაბარდება ქვეყნის მოსახლეობას, არ არსებობს მეტი ალტერნატივა,“- განაცხადა ნიკა მელიამ.

მისი თქმით, რამდენჯერაც არ უნდა გააყალბოს ხელისუფლებამ არჩევნები, ხალხი არ ყალბდება, ის განაგრძოს რუსთაველის გამზირზე გაპროტესტებას.

„თითოეულ ჩვენგანს გვაქვს ერთი ხმა და ეს ერთი ხმა ბევრს წაგვართვეს, ნაგვის ურნაში გადააგდეს, მაგრამ ეს ერთი ხმა კვლავ ლაპარაკობს რუსთაველის გამზირზე. ეს ერთი ხმა აპროტესტებს რუსთაველის გამზირზე იქ, სადაც გამოიჭედა საქართველოს სახელმწიფოს დამოუკიდებლობა. რამდენიც არ უნდა დაგვშალონ, კვლავ შევიკრიბებით, რამდენჯერაც არ უნდა ეცადონ შეშინებას, უფრო გაძლიერებულები გამოვდივართ, რამდენჯერაც არ უნდა ეცადონ გაყალბებას, ჩვენ არ ვყალბდებით, ყალბდება ფურცელზე არჩევნების შედეგები, მაგრამ ხალხი არ ყალბდება, ხალხი რუსთაველის გამზირზე იდგება მანამ, ვიდრე არ გავიმარჯვებთ,“- განაცხადა მელიამ.

იხილეთ ვიდეო: თამარ ჟვანიას არ უნდა ეპატიოს, ის უნდა მოხვდეს საპატიმროში

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა