სომხეთის ჯანდაცვის სამინისტროს ინფორმაციით, 27 სექტემბრიდან აზერბაიჯან-სომხეთის შეიარაღებულ კონფლიქტს 2 317 სამხედროს სიცოცხლე ემსხვერპლა.
„დღემდე, ჩვენმა სასამართლო ექსპერტიზის სამსახურებმა 2 317 დაღუპული სამხედრო მოსამსახურის, მათ შორის ამოუცნობი ჯარისკაცების, გვამის ექსპერტიზა ჩაატარეს”, - წერს სომხეთის ჯანდაცვის სამინისტროს პრესსპიკერი ალინა ნიკოღოსიანი სოციალურ ქსელ „ფეისბუქში“.
შეგახსენებთ, მთიან ყარაბაღში კონფლიქტის ესკალაცია 27 სექტემბერს მოხდა და საბრძოლო მოქმედებები მხოლოდ აზერბაიჯანის, სომხეთისა და რუსეთის ლიდერებს შორის 9 ნოემბერს მიღწეული შეთანხმების შემდეგ შეწყდა.