„დღეს ჩვენი “ოცნებაც” კი გადაგვიტრიალეს და ჯოჯოხეთად გვიქციეს, მაგრამ მე ამაყი ვარ, რომ ვარ ქართველი!” - ამის შესახებ პარტია „ტრიბუნას“ თავმჯდომარემ დავით ჭიჭინაძემ პარლამენტის წინ მიმდინარე აქციაზე სიტყვით გამოსვლისას განაცხადა.

დავით ჭიჭინაძის თქმით, ცდილობენ ქართველები მეორეხარისხოვან ერად აქციონ და გამარჯვების გემო დაავიწყონ.

„დღეს ჩვენი “ოცნებაც” კი გადაგვიტრიალეს და ჯოჯოხეთად გვიქციეს, მაგრამ მე ამაყი ვარ რომ ვარ ქართველი! რატომღაც უნდათ, რომ მეორეხარისხოვან ერად გვაქციონ, გამარჯვების გემო დაგვავიწყონ, ყველაზე მთავარი, რისთვისაც ყოველთვის მომართული ვართ. ყოველ დღე გვინერგავენ, რომ დამარცხებული ერი ვართ, პერსპექტივის გარეშე, მოგვიწოდებენ დავტოვოთ ქვეყანა და ემიგრაციაში წავიდეთ, მაგრამ, ყველა ის ქართველი, ვინც გვებრძვის, აუცილებლად მივუჩენთ საკუთარ ადგილს ისტორიის სანაგვეზე, ისე როგორც, ადრე, არაერთხელ მიგვიჩენია! ჩვენ აუცილებლად ვიქნებით გამარჯვებული, გაბრწყინებული ქართველები! საკუთარ სამშობლოში!”,- განაცხადა დავით ჭიჭინაძემ.