აზერბაიჯანის საგარეო საქმეთა სამინისტრო უარყოფს გავრცელებულ ინფორმაციას, რომლის თანახმადაც რუსეთიდან ელჩი გაიწვია. ამის შესახებ „სპუტნიკი“ იუწყება.
„ყველა ინფორმაცია, რომელიც ამ თემაზე გავრცელდა, უნდა ეყრდნობოდეს მხოლოდ ოფიციალურ წყაროებს“ , - განაცხადეს უწყებაში.
სამინისტროში აღნიშნეს, რომ დიპლომატების დანიშნვა და გაწვევა სახელმწიფოს მეთაურის კომპეტენციაა.
რუსეთში აზერბაიჯანის ელჩის გაწვევასთან დაკავშირებული ინფორმაცია გავრცელდა ელჩის განცხადების ფონზე, რომელიც სომხეთის ტერიტორიაზე რამდენიმე დღის წინ, რუსეთის სამხედრო ვერტმფრენის ჩამოგდების შესახებ გააკეთა.
მან განაცხადა: „ომში ყველაფერი ხდება“.
აზერბაიჯანის პრეზიდენტის თანაშემწემ ჰიქმეთ გაჯიევმა განაცხადა, რომ ბაქო მსგავს განცხადებებს მიიჩნევს უადგილოდ.
ფოლად ბულბულოღლის ეს განცხადება რუსეთის საგარეო საქმეთა სამინისტროშიც მკაცრად გააკრიტიკეს.