თბილისის საქალაქო სასამართლოში უბნების ხელახლა გადათვლასთან დაკავშირებით ცესკო-ს მიერ მიღებული გადაწყვეტილების თაობაზე ოპოზიციური პარტიების საჩივრების განხილვა მიმდინარეობს.
"შემაჯამებელი ოქმების ნახევარი არის გადასწორებული, არის დისბალანსი, შემდგომ არის შესწორების ოქმები და ჩვენ ვაყენებდით აღნიშნული უბნების გადათვლის საკითხს, ამაზე საოლქო საარჩევნო კომისიამ გვითხრა უარი. საოლქო საარჩევნო კომისიის ოქმების გაბათილებას ვითხოვდით ცესკოსგან, რომელმაც გვითხრა ასევე უარი და შესაბამისად, ცენტრალური საარჩევნო კომისიის ეს განკარგულება არის გასაჩივრებული. შემოტანილი გვაქვს მეორე საჩივარი, რომელიც ეხება ცენტრალური საარჩევნო კომისიის მიერ პროპორციული არჩევნების სრულად შეჯამებას", - განაცხადა ოთარ კახიძემ.