USAID-ის სოფლის მეურნეობის პროგრამა და „თიბისი“ აგროსექტორში ჩართულ მეწარმეებს ერთობლივ დაფინანსებას სთავაზობენ

USAID-ის სოფლის მეურნეობის პროგრამა და „თიბისი“ აგროსექტორში ჩართულ მეწარმეებს ერთობლივ დაფინანსებას სთავაზობენ. ამის შესახებ ინფორმაციას „თიბისი“ ავრცელებს.

მათივე ინფორმაციით, პროგრამა, რომელიც რამდენიმე კომპოტენტიანტია USAID-ის სოფლის მეურნეობის პროგრამის მხრიდან მოიცავს შემდეგ კომპონენტებს: საგრანტო დაფინანსებას და ტექნიკურ დახმარებას, ხოლო „თიბისის“ მხრიდან - პროექტის თანამონაწილეებისთვის საჭირო თანხების დაფინანსებას. გრანტის მოპოვება შეუძლიათ როგორც ფიზიკურ და იურიდიულ პირებს, ასევე, სასოფლო-სამეურნეო კოოპერატივებს.

USAID-ის სოფლის მეურნეობის პროგრამის ხელმძღვანელის ლუიზა ნამიჩეიშვილის განცხადებით, პროგრამის ფარგლებში შემუშავებული ინიციატივები სრულად შეესაბამება საქართველოს მთავრობის სოფლისა და სოფლის მეურნეობის განვითარების სტრატეგიას.

„USAID-ის სოფლის მეურნეობის პროგრამა ხელს უწყობს საქართველოს მდგრად ეკონომიკურ განვითარებას და აძლიერებს მცირე და საშუალო მეწარმეებს, რომ შეიქმნას დამატებითი სამუშაო ადგილები და გაიზარდოს შემოსავლები სოფლად. პროგრამის ფარგლებში შემუშავებული ინიციატივები სრულად შეესაბამება საქართველოს მთავრობის სოფლისა და სოფლის მეურნეობის განვითარების სტრატეგიას. პროგრამა მხარს უჭერს სასოფლო-სამეურნეო კოოპერატივებს და გავლენას ახდენს არა მხოლოდ ცალკეულ ფერმერებზე და მეწარმეებზე, არამედ მთლიანად სექტორის განვითარებაზე,“ - ამბობს USAID-ის სოფლის მეურნეობის პროგრამის ხელმძღვანელი ლუიზა ნამიჩეიშვილი.

მათივე ცნობით, პროგრამის ფარგლებში დაფინანსდება პროექტები, რომლებიც მოიცავენ შემდეგი კულტურების მოსავლის შენახვის და გადამუშავების პროცესს: კენკროვანი კულტურები, მწვანილი, კურკოვანი ხილი, თესლოვანი ხილი, მალფუჭებადი ბოსტნეული, მანდარინი, სუფრის ყურძენი და კაკლოვანი კულტურები (გარდა თხილისა). საგრანტო თანხების გამოყენება დასაშვებია მხოლოდ საწარმოო დანადგარების და ინვენტარის შესაძენად.

„USAID-ის სოფლის მეურნეობის პროგრამის ტექნიკური დახმარება კი, მოიცავს შემდეგ მიმართულებებს: თანამედროვე სასოფლო-სამეურნეო ტექნოლოგიები, სურსათის უვნებლობის და ხარისხის საერთაშორისო სტანდარტების დანერგვა და სერტიფიცირებაში ხელშეწყობა, ბიო და ორგანული სტანდარტის დანერგვა, მარკეტინგი, ბრენდირება, ბაზარზე წვდომა და ბიზნეს-კავშირების ხელშეწყობა. გარდა ამისა, USAID-ის და თიბისის თანამშრომლობის ფარგლებში ფერმერებისთვის ხელმისაწვდომია არასაფინანსო სერვისები, რაც კონსულტირებაში კვალიფიციურ დახმარებას მოიცავს.

პროექტის ფარგლებში, თიბისი აგროსექტორში დასაქმებულ ადამიანებს რამდენიმე მიზნობრიობით დააფინანსებს: ძირითადი საბრუნავი საშუალებების შეძენის შემთხვევაში შეღავათიანი აგროკრედიტის ფარგლებში, გადამამუშავებელი საწარმოების შემთხვევაში სახელმწიფო პროექტის საკრედიტო საგარანტიო სქემის ფარგლებში და თიბისი ბანკის ინოვაციური პროდუქტის სტარტაპ აგრო სესხის ფარგლებში გრძელვადიანი საშეღავათო პერიოდით, მხოლოდ საპროგნოზო შემოსავლების გათვალისწინებით.

გარდა ამისა, ფერმერებს შეუძლიათ "თიბისისგან" თანამონაწილეებისთვის საჭირო თანხა მიიღონ საწარმოსთვის საჭირო მიწის ფართობის, შენობა-ნაგებობების, სატრანსპორტო საშუალებების, საჭირო საბრუნავი საშუალებების, მათ შორის ნედლეულის, ტექნოლოგიური ხაზების, მანქანა-დანადგარების შეძენისთვის და მონტაჟისთვის“, - ნათქვამია გავრცელებულ ინფორმაციაში.

„თიბისის“ სერვის ექსპერტმა აგრო და საოჯახო მეურნეობებში შოთა გონგლაძე აცხადებს რომ „თიბისისა“ და USAID-ის კოლაბორაცია აგროსექტორში დასაქმებული ადამიანების მხარდაჭერას ისახავს მიზნად.

„ჩვენ მათ ვთავაზობთ რესურსებზე ხელმისაწვდომობას, რაც ძალიან მნიშვნელოვანია ამ სექტორის განვითარებისთვის. გარდა ამისა, ჩვენი კვალიფიციური სპეციალისტების მეშვეობით ჩვენ მათ დავეხმარებით სწორი გადაწყვეტილებების მიღებაში და ბიზნესის განვითარების გზების დასახვაში,“ - ამბობს „თიბისის“ სერვის ექსპერტი აგრო და საოჯახო მეურნეობებში შოთა გონგლაძე.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის