ფიქრია ჩიხრაძე - „ნაციონალურ მოძრაობას" და მიხეილ სააკაშვილს აქვთ თავიანთი დღის წესრიგი, მაგრამ ეს არ არის ერთიანი ოპოზიციის დღის წესრიგი

მესმის, „ნაციონალურ მოძრაობას" და მიხეილ სააკაშვილს აქვთ თავიანთი დღის წესრიგი, მაგრამ ეს არ არის ერთიანი ოპოზიციის დღის წესრიგი,- ამის შესახებ „ლელო საქართველოსთვის" წევრმა ფიქრია ჩიხრაძემ ჟურნალისტებს „ლეიბორისტული პარტიის" ოფისთან გაერთიანებული ოპოზიციის შეხვედრის დაწყებამდე განუცხადა.

კითხვაზე, უქმნის თუ არა მიხეილ სააკაშვილის ფაქტორი ოპიზიციის ერთობას წინაღობას, ფიქრია ჩიხრაძე პასუხობს, რომ ეს მათ ერთიანობაში განხეთქილებას ვერ შემოიტანს. ჩიხრაძის განმარტებით, ყველა თანხმდება იმაზე, რომ ოპოზიცია ერთიანი უნდა იყოს.

„მე მგონი, განხეთქილებას ეს ვერ შემოიტანს. გუშინ, ბათუმში, როდესაც ჩვენმა წარმომადგენლებმა დატოვეს აქცია, „ლელოს" ოფისში იყო სრულიად ოპიზიციური სპექტრის შეკრება, მათ შორის შეხვედრას ნაციონალური მოძრაობის" წარმომადგენლები ესწრებოდნენ. ჩვენ ყველაფერი უნდა გავაკეთოთ იმისთვის, რომ უკანა პლანზე გადავწიოთ ის, რაც შეიძლება ერთიანობას რაღაც უხერხულობას უქმნიდეს და წინა პლანზე წამოვწიოთ ის, რაც ყველას გვაერთიანებს. მე მესმის, „ნაციონალურ მოძრაობას" და მიხეილ სააკაშვილს აქვთ თავიანთი დღის წესრიგი, მაგრამ ეს არ არის ერთიანი ოპოზიციის დღის წესრიგი. ოპოზიციის ერთიანი დღის წესრიგი გახლავთ ვადამდელი არჩევნების ჩატარება უკეთესი საარჩევნო ადმინისტრაციის პირობებში. ამაში ყველა ერთიანი ვართ. როდესაც ერთობლივი აქციები ტარდება ასეთ დროს ჯობია, რომ წინა პლანზე წამოწეული იყოს გამაერთიანებელი იდეები და არ იყოს ვიწროპარტიული იდეები რაოდენ დიდ პარტიას არ უნდა ეკუთვნოდეს ეს. მესმის, „ნაციონალური მოძრაობა" არის მსხვილი პოლიტიკური ორგანიზაცია, რომ მას ყველაზე მეტი წარმომადგენელი ჰყავს პარლამენტში, მაგრამ პროტესტში ჩვენ ვართ თითო პარტიის წარმომადგენლები და შესაბამისად, მეტად უნდა გავითვალიწინოთ ერთმანეთის ინტერესები", - განაცხადა ფიქრია ჩიხრაძემ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს