თამარ კინწურაშვილი - ანტიდასავლური გზავნილებისა და სიძულვილის ენის გავრცელებაში ლიდერობს „პატრიოტთა ალიანსი“, ასევე „ქართული მარში“ და სხვა ულტრანაციონალისტური პარტიები

ანტიდასავლური გზავნილებისა და სიძულვილის ენის გავრცელებაში ლიდერობს „პატრიოტთა ალიანსი“, ასევე „ქართული მარში“ და სხვა ულტრანაციონალისტური პარტიები,- ამის შესახებ განცხადება „მედიის განვითარების“ ფონდის აღმასრულებელმა დირექტორმა თამარ კინწურაშვილმა კვლევაზე დაყრდნობით გააკეთა.

„მედიის განვითარების ფონდის“ კვლევა წინასაარჩევნო პერიოდში პოლიტიკური სუბიექტების მხრიდან გაკეთებული ანტიდასავლური და დისკრედიტაციის კამპანიების მონიტორინგის შედეგებს აჯამებს.

მონიტორინგი, როგორც ნაციონალური, ასევე რეგიონული დაფარვის ტრადიციული მედიის, ასევე „ფეისბუქ“ ანგარიშებზე დაკვირვების 3 თვის შედეგებს ასახავს.

„კვლევა შეეხებოდა პოლიტიკური სუბიექტების მიერ გავრცელებულ ანტიდასავლურ გზავნილებს, ასევე, სიძულვილის ენას. გამოიკვეთა, რომ ამ თვალსაზრისით, როგორც წინა კვლევებში, ლიდერობს „პატრიოტთა ალიანსი“, ასევე, „ქართული მარში“ და სხვა ულტრანაციონალისტური პარტიები, რომელთა სახელები ფიგურირებს, როგორც „დოსიეს“ გამოძიებაში კრემლთან კავშირის თვალსაზრისით, ასევე ესტონეთის დაზვერვის დოკუმენტში, რომელიც შეეხებოდა „ქართულ მარშს“, პრიმაკოვის ფონდს და იქ აქცენტი კეთდებოდა სწორედ იმაზე, რომ ღირებულებებთან დაკავშირებული დისკურსით ეს ძალები შეეცდებოდნენ გარკვეულწილად წინასაარჩევნოდ ანტიდასავლური განწყობების შექმნას. გარდა ამისა, ჩვენ დავაკვირდით სოციალურ მედიაში პოლიტიკოსების მიერ გავრცელებულ დეზინფორმაციასაც, ასევე ცალკეული „ფეისბუქ“ გვერდების მიერ წარმოებულ კამპანიას. ერთი მხრივ, გამოიკვეთა ხელისუფლებასთან დაკავშირებული გვერდები, რომლებიც ოპოზიციის წინააღმდეგ ავრცელებდნენ გაყალებულ ინფორმაციას, მეორე მხრივ, „ნაციონალურ მოძრაობასთან“ დაკავშირებული გვერდები, რომლებიც ხელისუფლების წინააღმდეგ კამპანიას აწარმოებდნენ. ყველაზე გავრცელებული ფორმა იყო ციტატების გაყალბება, ცალკეული პოლიტიკოსების სახელით, ვიდეომანიპულაცია, ასევე ორ შემთხვევაში გამოიკვეთა ყალბი მხარდამჭერი გვერდების შექმნა, ერთ შემთხვევაში, სააკაშვილის სახელით, მეორე შემთხვევაში, გიორგი რურუას სახელით,“- განაცხადა თამარ კინწურაშვილმა

მისივე ინფორმაციით, დეზინფორმაციის ცალკეული გამოვლინებები დაფიქსირდა არჩევნების დღესაც. რაც შეეხება მადისკრეტირებელ კამპანიას, კინწურაშვილის თქმით, აქ ყველაზე თვალსაჩინო იყო დავით გარეჯთან დაკავშირებული თემები.

„დიხოტომია, რომ ვიღაცამ გაყიდა დავით გარეჯი და ხელისუფლება ცდილობს დაუბრუნოს ის ხალხს, იყო საზოგადოებრივ აზრზე მანიპულირების გამოვლინება და გარკვეულწილად ხელი შეუწყო ანტილიბერალურ და პრორუსულ ჯგუფებში ისტორიულ მტერზე აპელირებას, რაც ერთ-ერთი ყველაზე გავლენიანი კამპანია იყო ამ პერიოდში,“- განაცხადა თამარ კინწურაშვილმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება