სომხეთის საგარეო საქმეთა მინისტრმა ზოჰრაბ მნაცაკანიანმა ქვეყნის პრემიერ-მინისტრს გადადგომის მოთხოვნით მიმართა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, მნაცაკანიანის განცხადების ტექსტი მისმა პრესსპიკერმა ანნა ნაგდალიანმა სოციალურ ქსელ „ფეისბუქში“ გამოაქვეყნა.

„ძვირფასო პრემიერ-მინისტრო, გთხოვთ მიიღოთ ჩემი თხოვნა გადადგომის შესახებ. გმადლობთ ნდობისა და გუნდური მუშაობისთვის,“- აღნიშნულია ზოჰრაბ მნაცაკანიანის განცხადებაში.