ბაპტისტური  ეკლესიების კავშირში ტოლერანტობის დღე აღინიშნა

დღეს, 16 ნოემბერს, ტოლერანტობის საერთაშორისო დღესთან დაკავშირებით, საქართველოს ბაპტისტური ეკლესიების კავშირმა საქართველოს რელიგიური ორგანიზაციებისთვის ღონისძიება გამართა. ამის შესახებ „ინტერპრესნიუსს“ რელიგიის სააგენტოდან აცნობეს.

მათივე ინფორმაციით, შეხვედრას ესწრებოდნენ: საქართველოს მართლმადიდებელი ავტოკეფალური სამოციქულო ეკლესიის, მუსლიმთა სამმართველოს, ებრაელთა კავშირის, სომეხთა სამოციქულო მართლმადიდებელი ეკლესიის, ლათინ კათოლიკეთა კავკასიის სამოციქულო ადმინისტრაციის, ევანგელურ-ლუთერული, ევანგელურ-პროტესტანტული, საქართველოს საერთაშორისო ბაპტისტური ეკლესიების წარმომადგენლები.

„შეკრებილ სტუმრებს მიესალმა და ტოლერანტობის საერთაშორისო დღე მიულოცა საქართველოს ბაპტისტური ეკლესიების კავშირის თავმჯდომარემ, გია კანდელაკმა.

რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ, ხაზი გაუსვა იმ განსაკუთრებულ გარემოს, საქართველოში განსხვავებული რელიგიების მიმართ რომ ჩამოყალიბდა და აღნიშნა, რომ პანდემიური ვითარების მიუხედავად, დღევანდელი დღე, თავისი არსით, უაღრესად მნიშვნელოვანია. მისი თქმით, სახელმწიფოს რელიგიური პოლიტიკა კვლავაც ამ მიმართულებით გააქტიურდება, რაც მშვიდობიანი და დემოკრატიული განვითარების საფუძველია.

გამომსვლელებმა, სხვადასხვა რელიგიების წარმომადგენლებმა, ისაუბრეს საქართველოში ტრადიციულად ჩამოყალიბებულ შემწყნარებლურ გარემოზე და აღნიშნეს რელიგიის სააგენტოს როლი რელიგიურ ორგანიზაციებსა და სახელმწიფოს შორის ურთიერთობაში.

ტოლერანტობის საერთაშორისო დღე 1995 წლიდან, UNESCO-ს ინიციატივით აღინიშნება. მისი მიზანი შეუწყნარებლობის, ექსტრემიზმისა და დისკრიმინაციის საფრთხეებზე საზოგადოების ცნობიერების ამაღლება და ურთიერთპატივისცემის, ურთიერთგაგების ატმოსფეროს დამკვიდრებაა.

ტოლერანტობის დღესთან დაკავშირებით, რელიგიის საკითხთა სახელმწიფო სააგენტომ დაამკვიდრა ტრადიცია, რომლის თანახმადაც, საქართველოში არსებული ერთ-ერთი რელიგიური თემი სხვა რელიგიური ორგანიზაციების ლიდერებსა და მრევლს მასპინძლობს.

2016 წლის 16 ნოემბერს, რელიგიურ თემებს საქართველოს მართლმადიდებელი ეკლესია მასპინძლობდა, 2017 წელს - ქართველ ებრაელთა თემი, 2018 წელს ლათინ კათოლიკეთა ადმინისტრაცია, 2019 წელს კი საქართველოს მუსლიმთა თემი”, - ნათქვამია ინფორმაციაში.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე