„ქართული ოცნების“ გენერალური მდივნის, თბილისის მერის კახა კალაძის განცხადებით, ტყუილია, როდესაც ოპოზიციური პარტიის ლიდერები, რომლებმაც 1%-ანი ბარიერი გადალახეს, აცხადებენ, რომ არჩევნების მეორე ტურში მონაწილეობას არ იღებენ.
კალაძის თქმით, ვინც მეორე ტურშია გადასული მას ბიულეტენიდან ვერავინ ამოიღებს.
ამასთან, როგორც მან აღნიშნა, ის პარტიები, რომლებიც მეორე ტურში გადავიდნენ, ფარულად აგრძელებენ მოსახლეობასთან მუშაობას.
„ეს არის ძალიან დიდი ტყუილი. ამას ხაზგასმით ვამბობ იმიტომ, რომ ყველა იმ ადამიანს, ვინც მეორე ტურშია გადასული, ბიულეტენიდან ვერ ამოიღებს ვერავინ. შესაბამისად, ისინი გამოდიან საჯაროდ და საუბრობენ, რომ არ იღებენ მონაწილეობას, მაგრამ სინამდვილეში ისინი იღებენ მონაწილეობას. ისინი არიან დაფიქსირებული საარჩევნო ბიულეტენებში და ასევე, ფარულად აგრძელებენ მუშაობას ველზე, მოსახლეობასთან მიმართებაში“, - განაცხადა კალაძემ.