ლევან ხაბეიშვილი საჩივრების განხილვაზე - მიმდინარეობს სასამართლოობანას თამაში

მოსამართლე ზრდილობის გამო გავიდა შესვენებაზე, უბრალოდ ძალიან ხელოვნური იქნებოდა მაშინვე, რომ ეთქვა - აი, თურმე თქვენი სარჩელი არ დაკმაყოფილდა, - ამის შესახებ „ნაციონალური მოძრაობის” წევრმა, ლევან ხაბეიშვილმა თბილისის საქალაქო სასამართლოსთან ჟურნალისტებს განუცხადა.

მისივე თქმით, მიმდინარეობს სასამართლოობანას თამაში, იმიტომ რომ ეს მოსამართლეც ვერ იქნება დამოუკიდებელი.

"მიმდინარეობს სასამართლოობანას თამაში, იმიტომ რომ ეს მოსამართლეც ვერ იქნება დამოუკიდებელი. წინააღმდეგ შემთხვევაში არგუმენტების სიმრავლიდან გამომდინარე მარტივი იქნებოდა მისთვის გადაწყვეტილება. ახლაც ზრდილობის გამო გავიდა შესვენებაზე, უბრალოდ ძალიან ხელოვნური იქნებოდა მაშინვე, რომ ეთქვა - აი, თურმე თქვენი სარჩელი არ დაკმაყოფილდა. ჩვენ ახლა სასამართლოს ეზოში არ ვიმყოფებით, ჩვენ ახლა ბიძინა ივანიშვილისა და "ქართული ოცნების" ოკუპირებულ ტერიტორიაზე ვართ. ლუსტრაცია უნდა მოხდეს სასამართლოსა და "ქართული ოცნების", მათ შორის უცხოელმა პარტნიორებმა დაინახონ, რომ სამართლებრივად ამ ადამიანებთან ბრძოლას აზრი არ აქვს", - განაცხადა ხაბეიშვილმა.

შეგახსენებთ, დღეს თბილისის საქალაქო სასამართლოში პროპორციული სისტემით ჩატარებული არჩევნების შემაჯამებელი ოქმებისა და მაჟორიტარული სისტემით ჩატარებული შემაჯამებელი ოქმების ბათილად ცნობის თაობაზე ,,ნაციონალური მოძრაობის” საჩივრის განხილვა მიმდინარეობდა.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს