ლევან ხაბეიშვილი - საუბარია მხოლოდ მაღალი თანამდებობის პირებზე, „სირცხვილის კორიდორს“ ჩვენი მოქალაქეების წინააღმდეგ არ ვეთანხმები

თამარ ჟვანია თუ სადმე საარჩევნო უბანზე მივა, „სირცხვილის კორიდორი“ აუცილებლად დახვდება, - ამის შესახებ „ნაციონალური მოძრაობის” წევრმა, ლევან ხაბეიშვილმა ჟურნალისტებს განუცხადა.

მისივე თქმით, სხვა შემთხვევაში, „სირცხვილის კორიდორს“, მოქალაქეების წინააღმდეგ არ ეთანხმება.

„თუ რამე სადმე კორიდორი იქნება, ეს შეეხება მხოლოდ და მხოლოდ ჩინოვნიკებს, მაგალითად, თამარ ჟვანია თუ სადმე მივა საარჩევნო უბანზე, აუცილებლად იქ დახვდება სირცხვილის კორიდორი. საუბარია მხოლოდ მაღალი თანამდებობის პირებზე, თუ ასეთი რამე დაიგეგმება. სხვა შემთხვევაში რამე სირცხვილის კორიდორს, ჩვენი მოქალაქეების წინააღმდეგ არ ვეთანხმები“, - განაცხადა ხაბეიშვილმა.

ცნობისთვის, ბათუმში, გუშინ გამართულ აქციაზე "ნაციონალური მოძრაობის" ერთ-ერთმა ლიდერმა ლევან ვარშალომიძემ აქციის მონაწილეებს მოუწოდა 21 ნოემბერს, არჩევნების მეორე ტურის დღეს უბნებთან "სირცხვილის კორიდორი" მოაწყონ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს