აშშ-ის სახელმწიფო მდივანი მაიკ პომპეო თურქეთში ჩავიდა. როგორც პომპეო სოციალურ ქსელ „ტვიტერში“ წერს, სტამბოლში დაგეგმილ შეხვედრებზე საუბრის ერთ-ერთი მთავარი თემა რელიგიური თავისუფლება იქნება.

„აქ ყოფნისას განვიხილავ რელიგიურ თავისუფლებას რეგიონში და გავააქტიურებ მთელ მსოფლიოში რელიგიური თავისუფლების განვითარების საკითხის მიმართ ჩვენს მტკიცე პოზიციას,“- წერს პომპეო.

სახელმწიფო მდივანი თურქეთის შემდეგ საქართველოს ეწვევა.