გერმანიის დედაქალაქ ბერლინში პოლიციამ დრეზდენის მუზეუმის გაძარცვაში ეჭვმიტანილი 3 პირი დააკავა, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, სამივე დაკავებული გერმანიის მოქალაქეა.
დაკავების ოპერაციას წინ უძღოდა სახლებში, ავტოფარეხებსა და ავტომობილებში მასშტაბური რეიდის ჩატარება, რომელშიც 1 600-მდე სამართალდამცავი მონაწილეობდა.
ცნობისათვის, მძარცველებმა დრეზდენის მუზეუმიდან შეუფასებელი ღირებულების მქონე მე-18 საუკუნის ძვირფასეულობა 2019 წლის 25 ნოემბერს მოიპარეს. მოპარულ ძვირფასეულობას შორის დრეზდენის თეთრი, 49 კარატიანი ბრილიანტიცაა.