რუსეთის მომხმარებელთა უფლებების დაცვის სამსახურში, „როსპოტრებნადზორში“ აცხადებენ, რომ ციმბირის რეგიონში კორონავირუსის მუტირებული ვერსია გამოჩნდა.
„ჩვენ ვხედავთ გარკვეულ ცვლილებებს ციმბირში, რაც გვაძლევს იმის ვარაუდის საფუძველს, რომ რეგიონში ვირუსის სხვა ვერსიის ფორმირება ხდება, გარკვეული მუტაციებით,“- აღნიშნა „როსპოტრებნადზორის“ ხელმძღვანელმა ანნა პოპოვამ.
მას არ უსაუბრია იმის შესახებ, რამდენად გადამდები ან მომაკვდინებელია ეს მუტაცია, თუმცა აღნიშნა, რომ ის ვირუსს უფრო სახიფათოს არ გახდის. პოპოვამ დაადასტურა, რომ ამჟამად „ციმბირის ვექტორის ინსტიტუტის“ მიერ შექმნილი კოვიდ 19-ის ვაქცინის რეგისტრაციის შემდგომი კვლევები მიმდინარეობს.
ინსტიტუტის გენერალური დირექტორის, რინატ მაკსიუტოვის მტკიცებით, კორონავირუსის მუტაცია ვაქცინის ეფექტურობაზე უარყოფით ზეგავლენას არ მოახდენს.