მედია - დონალდ ტრამპმა, შესაძლოა, ერაყსა და ავღანეთიდან ჯარების ნაწილის გაყვანის განკარგულება გასცეს

შეერთებული შტატების სამხედრო ძალების ოფიციალური პირები ელიან, რომ მოქმედი პრეზიდენტი დონალდ ტრამპი ავღანეთიდან და ერაყიდან ჯარის ნაწილის გაყვანის განკარგულებას გასცემს.

CNN– მა გაავრცელა ინფორმაცია, რომ პენტაგონმა მეთაურებისთვის „გამაფრთხილებელი ბრძანება“ გასცა, რაც ავღანეთში დისლოცირებული ჯარისკაცების რაოდენობის 2500- მდე შემცირების დაგეგმვისთვის მომზადებას ითვალისწინებს. ტელეკომპანიის ინფორმაციით, ჯარის ნაწილის გაყვანა 15 იანვრამდე უნდა განხორციელდეს.

საუბარია ასევე ერაყში ამერიკის სამხედრო კონტიგენტის 2 500 ჯარისკაცამდე შემცირებაზე.

აღსანიშნავია, რომ ამჟამად ავღანეთში დაახლოებით 4 500 ამერიკელი ჯარისკაცია დისლოცირებული, ერაყში კი - 3 000.

ოქტომბრის დასაწყისში დონალდ ტრამპმა სოციალურ ქსელ „ტვიტერში“ დაწერა, რომ სამხედრო მოსამსახურეები, რომლებიც ავღანეთში მსახურობენ, შობამდე თავიანთ სახლებში უნდა იყვნენ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს