ირანში, ბოლო 24 საათში კორონავირუსის 13 352 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ირანის ჯანდაცვის სამინისტრო ავრცელებს.
ამავე მონაცემების თანახმად, ქვეყანაში კოვიდინფიცირებულთა საერთო რაოდენობა 788 473-მდე გაიზარდა.
ამასთან, ირანში კოვიდ 19-ს კიდევ 482 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 42 461-ს მიაღწია.
რაც შეეხება გამოჯანმრთელებულებს, დღემდე ირანში კოვიდ 19-სგან 570 774 ადამიანი განიკურნა.