„ქართულ ოცნებას“ თუ უნდა, რომ საქართველოში დაპირისპირებული მხარეების დაახლოება დაიწყოს, წულუკიანისნაირი ავი და გაბოროტებული პოლიტიკური ელემენტების გამოყვანას და ყეფას თავი უნდა დაანებოს, - ამის შესახებ “ლელოს” ერთ-ერთმა ლიდერმა საბა ბუაძემ ჟურნალისტებთან განაცხადა.
ბუაძე გამოეხმაურა "ქართული ოცნების" საარჩევნო სიის მეოთხე ნომრის თეა წულუკიანის განცხადებას, რომ პოლიტიკური პარტიები ფარულად ემზადებიან მეორე ტურისთვის და აღნიშნა, რომ თუ ვინმე მეორე ტურისთვის და სახელმწიფოს მიტაცებისთვის ემზადება ეს მხოლოდ „ქართული ოცნებაა“.
“თეა წულუკიანის დესტრუქციულ განცხადებებზე სერიოზული პასუხი შეუძლებელია. თუ ვინმე ემზადება მეორე ტურისთვის და თუ ვინმე ემზადება და ახორციელებს სახელმწიფოს მიტაცებას ეს არის „ქართული ოცნება“. თუ უნდათ, რომ საქართველოში დაიწყოს დაპირისპირებული მხარეების დაახლოება და შერიგება, წულუკიანისნაირი ავი და გაბოროტებული პოლიტიკური ელემენტების გამოყვანას და ყეფას თავი დაანებონ“, - განაცხადა ბუაძემ.
ამასთან, საბა ბუაძემ მოუწოდა თეა წულუკიანს, რომ დაწყნარდეს, დამშვიდდეს და მოდუნდეს.