მაიკ პომპეოს ვიზიტის პარალელურად, ოპოზიცია მდუმარე აქციას გამართავს

ოპოზიციური სპექტრი აშშ-ის სახელმწიფო მდივნის მაიკ პომპეოს ვიზიტის პარალელურად თბილისში მდუმარე საპროტესტო აქციას გამართავს.

"ევროპული საქართველოს" წარმომადგენლები რუსთაველის მეტროდან ფილარმონიამდე ოპოზიციურ პარტიებთან ერთად 10:30 საათზე შეიკრიბებიან.

ოპოზიციისა და მოქალაქეების მიერ დაგეგმილ საპროტესტო აქციას "ლელოს" ლიდერები და მხარდამჭერები ფილარმონიის მიმდებარე ტერიტორიიდან შეუერთდებიან.

როგორც „ევროპული საქართველოს“ ერთ-ერთი ლიდერი გიგი უგულავა აცხადებს, აქცია 13:00 საათამდე გაგრძელდება, რომელიც პარლამენტამდე მსვლელობით დასრულდება.

ორგანიზატორების თქმით, მდუმარე აქციის მიზანია, საერთაშორისო მედიამ შეიტყოს, რომ საქართველოში 31 ოქტობერს ჩატარებული საპარლამენტო არჩევნები გაყალბდა.

„ჩვენ ვმართავთ აქციას, რომ როგორც ამერიკის ადმინისტრაციამ, ასევე საერთაშორისო მედიამ გაიგოს, რომ საქართველოში ხორციელდება სახელმწიფოს მიტაცება ივანიშვილის რეჟიმის მიერ. არჩევნები, რომელიც 31 ოქტომბერს ჩატარდა, არ იყო არჩევნები, ეს იყო ძალაუფლების მიტაცება.

მინდა მოვუწოდო ყველას, ვისაც მიაჩნია, რომ არჩევნები გაყალბდა, სულერთია, რომელი პარტია მოგწონთ, ან შეიძლება, არც ერთი პარტია არ მოგწონდეთ, სულერთია გვერდით მდგომი ადამიანი, რომელიც თქვენგან ორი მეტრით წინ, უკან, მარჯვნივ ან მარცხნივ დგას მოგწონთ თუ არ მოგწონთ. აქ არის ერთადერთი კრიტერიუმი - თუ მიგაჩნიათ რომ გაყალბდა და ახალი არჩევნები უნდა ჩატარდეს თავისუფალ, კონუკრენტურ გარემოში, გამოდით და ერთად დავაფიქსიროთ ჩვენი მდუმარე პროტესტი“, - განაცხადა უგულავამ.

იხილეთ ვიდეო: მაიკ პომპეოს ვიზიტის პარალელურად, ოპოზიცია მდუმარე აქციას გამართავს

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი