დავით ზალკალიანი კითხვაზე, პომპეოსთან შეხვედრაზე იყო თუ არა საუბარი არჩევნებზე - მისი მხრიდან რაიმე სახის პირდაპირი ჩარევა არ ყოფილა - ამერიკა საქართველოს შიდა საქმეებში ვერ ჩაერევა

მისი მხრიდან რაიმე სახის პირდაპირი ჩარევა არ ყოფილა, ეს ჩვენი შიდა პოლიტიკური პროცესია, - ამის შესახებ ჟურნალისტებს საქართველოს საგარეო საქმეთა მინისტრმა, დავით ზალკალიანმა აშშ-ს სახელმწიფო მდივანთან შეხვედრის შემდეგ განუცხადა, რითაც უპასუხა კითხვას, შეხვედრაზე შეეხო თუ არა საუბარი საქართველოში ჩატარებულ საპარლამენტო არჩევნებს და გაკეთდა თუ არა რაიმე მოწოდება სახელმწიფო მდივნის მხრიდან ამ მიმართულებით.

დავით ზალკალიანის განცხადებით, "აშშ საქართველოს შიდა საქმეებში ვერ ჩაერევა".

„მისი მხრიდან რაიმე სახის პირდაპირი ჩარევა არ ყოფილა. ეს ჩვენი შიდა პოლიტიკური პროცესია. ამერიკა არის ჩვენი მთავარი სტრატეგიული პარტნიორი, რომელიც საქართველოში მოქმედ ყველა პოლიტიკურ აქტორს მოუწოდებს, რომ პროცესები წავიდეს პოლიტიკურ ჭრილში, სამართლებრივ ჩარჩოებში დარჩეს. ამერიკა საქართველოს შიდა საქმეებში ვერ ჩაერევა, არცაა ეს მათი სურვილი. მათი სურვილია, რომ საქართველოში სიტუაცია იყოს სტაბილური“,-აღნიშნა ზალკალიანმა.

მისივე თქმით, საუბრისას განიხილეს საქართველოში დემოკრატიული ინსტიტუტების გაძლიერების საკითხი.

„ ბუნებრივია, ჩვენ შევეხეთ საქართველოში დემოკრატიული ინსტიტუტების გაძლიერების თემას. რა თქმა უნდა, ამერიკის შეერთებული შტატები დაინტერესებულია, რომ პროცესები გადავიდეს პოლიტიკურ ჭრილში. ჩვენი მხრიდან მზაობაა, ამერიკის შეერთებული შტატებიც, რა თქმა უნდა, დაინტერესებულია ქვეყანაში სტაბილურობით, რომ პროცესები პოლიტიკური მიმართულებით წავიდეს და არავითარ შემთხვევაში არ გასცდეს სამართლებრივ ჩარჩოებს, სწორედ ამ კუთხით იყო საუბარი და ჩვენ, რა თქმა უნდა, გვაქვს იმის თქმის საფუძველი, რომ ჩვენ აუცილებლად ჩვენს მთავარ სტრატეგიულ პარტნიორთან ერთად მომავალშიც გავაგრძელებთ მუშაობას იგივე დემოკრატიული ინსტიტუტების დახვეწის თვალსაზრისით, მართლმსაჯულების კუთხით“,-აღნიშნა მინისტრმა.

ცნობისთვის, აშშ-ს სახელმწიფო მდივანი საქართველოში ვიზიტის ფარგლებში მთავრობის ადმინისტრაციაში საქართველოს პრემიერ- მინისტრთან გიორგი გახარიას და საგარეო საქმეთა მინისტრ დავით ზალკალიანს შეხვდა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს