სახელმწიფო დეპარტამენტი - საქართველოში ჩატარებულ არჩევნებზე, წინა არჩევნების მსგავსი დარღვევები დავინახეთ, მათ შორის, მოსყიდვა, დაშინება და ადმინისტრაციული რესურსის გამოყენება

ამერიკის შეერთებული შტატების სახელმწიფო დეპარტამენტის ოფიციალურმა პირებმა სპეციალური ბრიფინგი გამართეს, სადაც საქართველოს შესახებ ისაუბრეს, - ამის შესახებ აშშ-ის სახელმწიფო დეპარტამენტის ოფიციალური პირების მიერ თბილისში გამართულ სპეციალურ ბრიფინგზე განაცხადეს, რომელზედაც საქართველოს შესახებ ისაუბრეს.

„საქართველო ახალგაზრდა დემოკრატიის ქვეყანაა. ისინი 20 წელია, რაც დემოკრატიას აშენებენ და და ჯერჯერობით კვლავ დამოუკიდებელი ინსტიტუტების მშენებლობის პროცესში არიან და ვფიქრობთ, ეს არის ის, რაც ჩვენ ბოლო დროს ჩატარებული არჩევნების დროს ვნახეთ,“ - აცხადებენ აშშ-ის სახელმწიფო დეპარტამენტში.

სახელმწიფო დეპარტამენტის ოფიციალური პირის განცხადებით, ბოლო 30 წლის მანძილზე საქართველოში არაერთხელ ჩატარდა არჩევნები სხვადასხვა ნაკლოვანებებით და ბოლოს ჩატარებული არჩევნების დროსაც მსგავსი დარღვევები გამოვლინდა, მათ შორის, ხმების მოსყიდვა, დაშინება, ადმინისტრაციული რესურსების გამოყენება.

„როგორც ეუთომ, ისე სხვებმა არჩევნები შეაფასეს, როგორც კონკურენტული და წინა წლებთან შედარებით, რამდენიმე მიმართულებით შეინიშნებოდა გაუმჯობესებაც - ნაკლები სიძულვილის ენა და ნაკლები აგრესიული თავდასხმა წინასაარჩევნო პერიოდში. ასევე, დაცული იყო გამოხატვის თავისუფლება. თუმცა, დამკვირვებლებმა აღრიცხეს ხმების მოსყიდვის, დაშინების ფაქტები, რაც, სამწუხაროდ, საქართველოს არჩევნებს ხრავს ბოლო 30 წლის მანძილზე. ჩვენმა გუნდმაც გამოავლინა ეს ფაქტები.

ჩვენ ხელს ვუწყობთ ოპოზიციას, გააგრძელოს ზეწოლა, რათა საარჩევნო დარღვევების შესახებ საჩივრების დაკმაყოფილებაზე სამართლებრივი პროცესით იბრძოლოს, რაც საქართველომ ბოლო 20 წლის განმავლობაში ჩამოაყალიბა. სამწუხაროდ, საქართველოს მოქალაქეების დიდი ნაწილი არ ენდობა სასამართლო სისტემას და ცენტრალურ საარჩევნო კომისიას. ოპოზიციამ, მიუხედავად იმისა, რომ დარღვევები გაასაჩივრა, ვინაიდან არ არის იმის დიდი რწმენა, რომ მათი შესაბამისად განხილვა მოხდებოდა, არჩევნების მეორე დღესვე მოითხოვა ხელახალი არჩევნები,“ - აცხადებენ სახელმწიფო დეპარტამენტში.

იხილეთ განცხადება სრულად

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს