სახელმწიფო დეპარტამენტი - საქართველო სამხედრო და უსაფრთხოების თვალსაზრისით არაჩვეულებრივი პარტნიორია, ის, რისი ხაზგასმაც სახელმწიფო მდივანს სურს, საქართველოს სუვერენიტეტის მხარდაჭერაა

საქართველო სამხედრო და უსაფრთხოების თვალსაზრისით არაჩვეულებრივი პარტნიორია და ამიტომ ის, რისი ხაზგასმაც სახელმწიფო მდივანს სურს, არის საქართველოს სუვერენიტეტის მხარდაჭერა. უნდა გახსოვდეთ, რომ ქვეყნის 20 პროცენტი რუსების მიერ ოკუპირებულია და საქართველო აგრძელებს მოსკოვის მიერ შექმნილი არასტაბილურობის ელემენტისთვის წინააღმდეგობის გაწევას, - ამის შესახებ აშშ-ის სახელმწიფო დეპარტამენტის ოფიციალური პირების მიერ თბილისში გამართულ სპეციალურ ბრიფინგზე განაცხადეს, რომელზედაც საქართველოს შესახებ ისაუბრეს.

დეპარტამენტის მაღალი რანგის პირმა აღნიშნა, რომ მაიკ პომპეოს საქართველოში ვიზიტის გზავნილი მის მიერ საქართველოში ჩამოყალიბებული სხვადასხვა ინსტიტუტის მხარდაჭერაა.

„ისინი ძალიან მტკიცე პარტნიორები არიან და მდივანს სურს ხაზი გაუსვას მხარდაჭერას საქართველოში ჩამოყალიბებული ინსტიტუტების მიმართ, იმისთვის, რომ დროთა განმავლობაში ეს ინსტიტუტები უფრო სრულყოფილი გახდნენ და ეს არის რეალური გზავნილი და ის, თუ რატომ ჩამოვიდა სახელმწიფოს წარმომადგენლებთან: პრეზიდენტთან, პრემიერ- მინისტრსა და საგარეო საქმეთა მინისტრთან შესახვედრად“,- აღნიშნულია სახელმწიფო დეპარტამენტის განცხადებაში.

მათივე ინფორმაციით, სახელმწიფო მდივნის მაღალი რანგის თანამშრომელი შეხვედრას გამართავს ოპოზიციისა და არასამთავრობო ორგანიზაციების წარმომადგენლებთან, რომლებიც საარჩევნო პროცესში იყვნენ ჩართულები.

„კიდევ ერთხელ გაესმევა ხაზი დასავლეთისა და ევრო-ატლანტიკური საზოგადოების მხარდაჭერას ამ ინსტიტუტების განვითარებაში და კიდევ ერთხელ გაჟღერდება გზავნილი: გამოიყენეთ ინსტიტუტები და თქვენს მიზანს ნუ აღწევთ მათი ბოიკოტირების გზით,“- აღნიშნულია სახელმწიფო დეპარტამენტის ვებ-გვერდზე განთავსებულ ინფორმაციაში.

იხილეთ განცხადება სრულად

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო