ზაზა ვაშაყმაძემ ირანის რესპუბლიკის დროებით რწმუნებულთან შეხვედრა გამართა

საქართველოში ირანის ალ-მუსტაფას უნივერსიტეტის ფილიალში რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ ირანის ისლამური რესპუბლიკის დროებით რწმუნებულთან (ელჩის მოვალეობის შემსრულებელთან) რასულ ესლამთან შეხვედრა გამართა.

როგორც “ინტერპრესნიუსს” რელიგიის სააგენტოდან აცნობეს, შეხვედრას ესწრებოდნენ: რელიგიის სააგენტოს თავმჯდომარე ზაზა ვაშაყმაძე, რელიგიის სააგენტოს თავმჯდომარის მოადგილე, გიორგი უკლება, სააგენტოს სტრატეგიული კვლევის, ანალიზისა და რეგიონების სამსახურის თანამშრომლები გიორგი პატაშური და ზვიად ტყაბლაძე, ირანის დროებითი რწმუნებული (ელჩის მოვალეობის შემსრულებელი) რასულ ესლამი, ალ მუსტაფას უნივერსიტეტის წარმომადგენელი, დავუდ ზარე, საქართველოს შეიხი, რამინ იგიდოვი, მრჩეველი კულტურის საკითხებში ჰამიდ მოსტაფავი, საქართველოში ირანის საელჩოს თარჯიმანი სოსო ონიკაშვილი.

მათი ცნობით, შეხვედრაზე სააგენტოს თავმჯდომარეს ირანის მხარემ მიაწოდა ინფორმაცია საქართველოში ალ-მუსტაფას უნივერისტეტის საქმიანობის შესახებ, გააცნო ინფორმაცია უნივერსიტეტში სასწავლო პროგრამების და მომავალი საგანმანათლებლო საქმიანობის პერსპექტივების თაობაზე.

“საუბარი ასევე შეეხო რელიგიის სააგენტოს განხორციელებულ და მიმდინარე პროექტებს, ინტერრელიგიური სათათბიროს საქმიანობას, ყოველწლიურ კონფერენციებსა და ადამიანის უფლებათა სამთავრობო სამოქმედო გეგმის ფარგლებში ჩატარებულ ტრენინგებს.

რასულ ესლამიმ მადლობა გადაუხადა ზაზა ვაშაყმაძეს სტუმრობისთვის დადებითად შეაფასა საქართველოს სახელმწიფოს პოლიტიკა რელიგიის მიმართულებით და მუსლიმი თემის დაფინანსებისა და მეჩეთების გადაცემის მექანიზმები. ასევე პოზიტიურად შეფასდა ის ფაქტი, რომ საქართველოში სუნიტი და შიიტი მუსლიმები ერთად მშვიდობიან გარემოში თანაცხოვრობენ, რაც წარმოადგენს ერთიან დამოუკიდებელ ქართულ ისლამურ ფენომენს. ირანულმა მხარემ ხაზი გაუსვა საქართველოში არსებულ რელიგიურ თავისუფლებას და მადლობა გადაუხადა ზაზა ვაშაყმაძეს რელიგიის სააგენტოს მიერ მუსლიმი თემისადმი გაწეული დახმარებისათვის. შეხვედრის დასასრულს ირანულმა მხარემ ორმხრივი ურთიერთობების გაღრმავების მიზნით, მომავალში კიდევ უფრო მჭიდრო თანამშრომლობის სურვილი გამოთქვა”, - აღნიშნულია რელიგიის სააგენტოს მიერ გავრცელებულ ინფორმაციაში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის