თენგიზ ცერცვაძის ჯანმრთელობის მდგომარეობა სტაბილური და უცვლელია, - ამის შესახებ ინფორმაციას ინფექციური პათოლოგიისა და შიდსის ცენტრი ავრცელებს.
მათივე ცნობით, ინფექციური პათოლოგიისა და შიდსის ცენტრის გენერალური დირექტორი თენგიზ ცერცვაძე მკურნალობას სახლში განაგრძობს და ჯანმრთელობის გაუარესებისთანავე მოხდება მისი ჰოსპიტალიზაცია.
„ისევე როგორც გუშინ საღამოს, ამ საღამოსაც თენგიზ ცერცვაძეს იგივე სიმპტომები აქვს: სხეულის ტემპერატურა 37.7 გრადუსი(დილაობით შედარებით დაბალი ტემპერატურა ფიქსირდება). ყელის და თავის ტკივილი, ზოგადი სისუსტე და ხშირი ხველა. ამ დროისთვის ინფექციური პათოლოგიისა და შიდსის ცენტრის გენერალური დირექტორი მკურნალობას სახლში განაგრძობს და ჯანმრთელობის გაუარესებისთანავე მისი ჰოსპიტალიზაცია მოხდება.
იგივე მდგომარეობაა თენგიზ ცერცვაძის მეუღლის შემთხვევაშიც. ანა თოფურიას სიმპტომები ყელის ტკივილით და 37.0 გრადუსი ტემპერატურით შემოიფარგლება.
თენგიზ ცერცვაძე ყველა იმ პირს მადლობას უხდის, ვინც დაინტერესებულია მისი გამოჯანმრთელებით და ყურადღებით ეკიდება არსებულ ვითარებას“, - აღნიშნულია ინფორმაციაში.