მთავრობამ უცხოური საინვესტიციო პროექტების ხელშეწყობის ახალი პროგრამა დაამტკიცა

ეკონომიკის მინისტრის, ნათია თურნავას განცხადებით, დღეს მთავრობამ უცხოური საინვესტიციო პროექტების ხელშეწყობის ახალი პროგრამა დაამტკიცა.

როგორც მან მთავრობის სხდომის დასრულების შემდეგ აღნიშნა, ახალი პროგრამის ფარგლებში, ის კომპანიები, რომლებიც უცხოური კაპიტალითაა შექმნილი და ახალი წარმოების გახსნას გადაწყვეტენ, მინიმუმ 10 მილიონის ინვესტიციის ჩადებისა და 150 ადამიანის დასაქმების შემთხვევაში, სახელმწიფოსგან 1 მილიონის ოდენობის გრანტს მიიღებენ.

„დღეს მთავრობას წარვუდგინეთ და დაამტკიცა ახალი პროგრამა, რომელიც „აწარმოე საქართველოში“ პროგრამათა რიგს მიემატება, ეს არის უცხოური საინვესტიციო პროექტების ხელშეწყობის ახალი მექანიზმები. კერძოდ, ახალი პროგრამის ფარგლებში, ქვეყანაში უცხოური ინვესტიციების ზრდის და დასაქმების ხელშეწყობის მიზნით, იმ კომპანიებს, რომლებიც უხოური კაპიტალით შექმნილია და მოისურვებენ საქართველოში შემოსვლას, ახალი წარმოების გახსნას ან არსებული წარმოების გადმოტანას, აიღებენ ვალდებულებას, რომ სულ მცირე, ათი მილიონი ლარის ინვესტიციას ჩადებენ საქართველოს ეკონომიკაში და დაასაქმებენ მინიმუმ 150 ადამიანს. „აწარმოე საქართველოს“ პროგრამების ფარგლებში ამ ვადლებულების შესრულების შემთხვევაში, მათ მიეცემა თანადაფინანსება ე.წ. FDI გრანტი, 1 მილიონი ლარი ოდენობით. ამ გრანტის მიზნობრიობაც იქნება, პირველ რიგში, დასაქმებული კადრების მომზადება და გადამზადება. ასევე, სხვადასხვა მცირე ინფრასტრუქტურული სამუშაო, რომელიც მათ შეიძლება დასჭირდეთ“, - განაცხადა ნათია თურნავამ.

მისივე თქმით, ეს ახალი პროგრამა და შეთავაზება გავრცელდება ისეთ დარგებზე, რომელიც გადამამუშავებელ ინდუსტრიას მიეკუთვნება.

„ესაა ელექტრონული ინჟინერიის პროდუქციის წარმოება, ეს არის სატრანსპორტო საშუალებებისა და მათი ნაწილების წარმოება, ეს არის მანქანათმშენებლობა, მანქანებისა და მოწყობილობების, მათი ნაწილების წარმოება, ლოგისტიკა, სასაწყობო მეურნეობა და რამდენიმე სხვა დარგი“, - განაცხადა ნათია თურნავამ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი