ერევანში სამართალდამცავებმა საპროტესტო აქციის 24 მონაწილე დააკავეს
ერევანში სამართალდამცავებმა საპროტესტო აქციის 24 მონაწილე დააკავეს, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, პრემიერ-მინისტრ ნიკოლ ფაშინიანის გადადგომის მოთხოვნით დღეს ერევნის სხვადასხვა ნაწილში საპროტესტო აქციები გაიმართა. დემონსტრანტების ნაწილმა დედაქალაქის რამდენიმე ქუჩა გადაკეტა.
შეგახსენებთ, ერევანში ოპოზიციური პარტიების ორგანიზებით საპროტესტო აქციები რამდენიმე დღეა იმართება. აქციის მონაწილეები ნიკოლ ფაშინიანს ქვეყნის ტერიტორიების აზერბაიჯანისთვის დათმობაში ადანაშაულებენ და მის გადადგომას მოითხოვენ.
