„ევროპული საქართველოს“ ერთ-ერთი ლიდერის, გიგი უგულავას განცხადებით, გიორგი გახარიას არანაირად არ ეხება, ვინ შევა ან არ შევა პარლამენტში.
„არ გაგეყალბებინათ მეგობრებო არჩევნები, არ გეძალადათ, არ გადაგეწერათ ოქმები და ასეთ შემთხვევაში ბატონი გახარია დღეს გადაბარებით იქნებოდა დაკავებული. ძალაუფლება მიტაცებული გაქვთ და არანაირად არ ეხება გახარიას, ვინ შევა პარლამენტში და ვინ არა. ფაქტია, ისინი მარტო ისხდებიან პარლამენტში და ის პარლამენტი მარტო ვერ გაძლებს“,- განაცხადა უგულავამ.
ცნობისთვის, დღეს საქართველოს პრემიერ-მინისტრმა გიორგი გახარიამ არჩევნების მეორე ტურზე ისაუბრა და განაცხადა, რომ დარწმუნებულია, თითოეული პოლიტიკური გაერთიანება და თითოეული დეპუტატი იაზრებს პასუხისმგებლობას და ისე მოიქცევა, როგორც ქართველ ამომრჩეველს და იმ პასუხისმგებლობას ეკადრება, რომელიც საქართველოს მოქალაქემ მისი თვალთახედვის შესაბამისად გადაანაწილა.