ევროკავშირი მთიან ყარაბაღსა და მიმდებარე ტერიტორიებზე მცხოვრები მოსახლეობის დასახმარებლად 3 მილიონ ევროს გამოყოფს

ევროკავშირი მთიან ყარაბაღსა და მიმდებარე რაიონებში მცხოვრები კონფლიქტის დაზარალებული მოსახლეობის დასახმარებლად 3 მილიონ ევროს გამოყოფს, - შესაბამისი ინფორმაცია ორგანიზაციის ვებ-გვერდზეა განთავსებული.

ორგანიზაციაში აცხადებენ, რომ აღნიშნული თანხა კონფლიქტის შედეგად დაზარალებული მოსახლეობის ჰუმანიტარული საჭიროებებისთვის დაიხარჯება.

„ევროკავშირი აგრძელებს კონფლიქტის შედეგად დაზარალებული ყველა მშვიდობიანი მოქალაქის დახმარებას. ვგზავნით დამატებით ჰუმანიტარულ დახმარებას. მივესალმები საომარი მოქმედებების შეწყვეტას, მაგრამ უაღრესად შეშფოთებული ვარ იმ იძულებით გადაადგილებული ადამიანების ჰუმანიტარული მდგომარეობით, რომლებსაც ზამთრის მძიმე პირობებთან ერთად კორონავირუსის პანდემიაც ემუქრებათ,“- განაცხადა ევროკავშირის კრიზისის მართვის კომისარმა იანეზ ლენარჩიჩმა.

ევროკავშირის ინფორმაციით, აღნიშნული 3 მილიონ ევრო დაემატება იმ 900 ათას ევროს, რომელიც ბლოკმა მთიანი ყარაბაღის რეგიონში საბრძოლო მოქმედებების დაწყების შემდეგ გამოყო.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს