საბა ბუაძე - ჩვენი ძირითადი სამუშაო კონტურები ხელახალი არჩევნების ირგვლივაა, სხვა ყველაფერი მოლაპარაკების საგანია

ჩვენი ძირითადი სამუშაო კონტურები ხელახალი არჩევნების ირგვლივაა, სხვა ყველაფერი მოლაპარაკების საგანია , - ამის შესახებ „ლელო საქართველოსთვის“ ერთ-ერთმა წევრმა საბა ბუაძემ „პალიტრანიუსის“ გადაცემაში „რეზიუმეში“ განაცხადა.

როგორც ბუაძე განმარტავს, ხელისუფლება ოპოზიციასთან მოლაპარაკებებზე წინადადებებით არ მისულა.

„ამერიკელების და ევროპელების, ჩვენი სტრატეგიული პარტნიორების მეშვეობით, ეს მოლაპარაკებები შედგა, ჩვენ მივედით კონკრეტული წინადადებებით, „ქართული ოცნება“ მოვიდა „ბელეტრესტიკით“ და ბლა-ბლათი, არაფერი არ მოუტანიათ, ისევ აგრესიული რიტორიკა იყო შიგნითაც, გარეთაც, თავის მოტყუება. თუ ჩემი წინადადება არ მოგწონს, შენ უნდა მოიტანო კონტრწინადადება. არ მომწონს, ხელახალ არჩევნებს არ შევეგუები, მორჩა და წერტილი - ასე შეუძლიათ ერთმანეთი მოატყუონ, მაგრამ ცივილიზებულ მოლაპარაკებებში ასე ხდება: როცა ჩემი შემოთავაზება მისაღები არ არის, შენ უნდა მოიტანო შენი შემოთავაზება. ჩვენი ქოლგა, ჩვენი ძირითადი სამუშაო კონტურები ხელახალი არჩევნების ირგვლივაა, ჩვენ ამ შეთხვევაში მოქნილები ვართ და ვამბობთ, უნდა ჩატარდეს ხელახალი არჩევნები, ახალი საარჩევნო ადმინისტრაციის და კანონმდებლობის პირობებში, სხვა ყველაფერი მოლაპარაკების საგანია. სხვა ყველაფრისთვის ჩვენ მზად ვართ, გახსნილი ვართ. პოლიტპატიმრების ბედით რომ არ ვივაჭრეთ, ეს ცხადია და ასაკოვანი ადამიანების თავისუფლებით, რომლებიც წინასაარჩევნი პიარისთვის დაიჭირეს, რომ ეთქვათ, გარეჯი საქართველოა. ეტყობა, თვითონ დაავიწყდათ, გარეჯი რომ საქართველოა, დანარჩენმა საქართველომ ეს კარგად იცის, რომ გარეჯი ჩვენი განუყოფელი ნაწილია“, - განაცხადა ბუაძემ.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის