ჩრდილოეთ ირლანდიაში კორონავირუსთან დაკავშირებული შეზღუდვები მკაცრდება

ჩრდილოეთ ირლანდიაში 27 ნოემბრიდან კორონავირუსთან დაკავშირებით შეზღუდვები მკაცრდება, - ამის შესახებ ინფორმაციას The Guardian-ი ავრცელებს.

შეზღუდვების ფარგლებში არააუცილებელი მაღაზიები, ბარები და რესტორნები დეკემბრის შუა რიცხვებამდე დახურული იქნება. ამასთან, ხელმისაწვდომი იქნება მხოლოდ გატანის სერვისით სარგებლობა. აღნიშნულ პერიოდში დასასვენებელ და გასართობ ობიექტებს დახურვა მოუწევს სკოლები კი ღია დარჩება.

აღსანიშნავია, რომ ჩრდილოეთ ირლანდიაში გარკვეული შეზღუდვები ამჟამადაც მოქმედებს, თუმცა 27 ნოემბრიდან მათი ნაწილის მოხსნა იგეგმებოდა, მაგალითად, ბარები და კვების ობიექტები 27 ნოემბრიდან უნდა გახსნილიყო. ხელისუფლების გადაწყვეტილებით, სილამაზის სალონები და ავტომობილის მართვის სასწავლო კურსები დაგეგმილისამებრ, 27 ნოემბერს განაახლებენ მუშაობას, მაგრამ მხოლოდ 1 კვირით.

ჩრდილოეთ ირლანდიის ჯანდაცვის მინისტრის, რობინ სვენის განმარტებით, საკარანტინო ზომების დაგვიანებით დაწესება ქვეყნის ჯანდაცვის სისტემის გადატვირთვას გამოიწვევს.

ჩრდილოეთ ირლანდიაში, გასული დღე-ღამის განმავლობაში კორონავირუსის 487 ახალი შემთხვევა დადასტურდა და 12 ადამიანი გარდაიცვალა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა