აზერბაიჯანის არმიის სამხედრო შენაერთები მთიანი ყარაბაღის აღდამის რაიონში შევიდნენ, - ამის შესახებ ინფორმაციას ადგილობრივი მედია ქვეყნის თავდაცვის სამინისტროზე დაყრდნობით ავრცელებს.

მათივე ინფორმაციით, აღდამის რაიონში შესვლა სამმხრივი შეთანხმების საფუძველზე განხორციელდა, რომელსაც აზერბაიჯანის პრეზიდენტმა, სომხეთის პრემიერ-მინისტრმა და რუსეთის პრეზიდენტმა 9 ნოემბერს მოაწერეს ხელი.

აზერბაიჯანის თავდაცვის სამინისტროს ინფორმაციით, შესაბამისი კადრები დღეს მოგვიანებით გავრცელდება.

შეგახსენებთ, 9 ნოემბერს ხელმოწერილი განცხადების საფუძველზე აღდამის რაიონი 20 ნოემბერს აზერბაიჯანის კონტროლქვეშ უნდა გადავიდეს.