გიორგი შაქარაშვილის საქმის პროკურორი - სასამართლომ კანონიერი და სამართლიანი გადაწყვეტილება მიიღო

შაქარაშვილის საქმის პროკურორის ნანა გუგუტიშვილის განცხადებით, სასამართლოს გადაწყვეტილება ფეხბურთელ გიორგი შაქარაშვილის საქმეზე მსჯავრდებულების მიმართ სასჯელის განსაზღვრაზე სამართლიანი იყო. როგორც ნანა გუგუტიშვილი აცხადებს სასამართლომ მსჯავრდებულის მიმართ დასაბუთებული განაჩენი გამოიტანა.

" ჩვენ მიგვაჩნია, რომ სასამართლოს განაჩენი არის დასაბუთებული. კანონიერი და სამართლიანი გადაწყვეტილება მიიღო სასამართლომ. რაც შეეხება დაცვის მხარის მოსაზრებებს, მათ ჰქონდათ აბსოლუტურად დაუსაბუთებელი განცხადებები, მათი განცხადებები მიმართულია მხოლოდ და მხოლოდ თავის მართლებისკენ, არ გამომდინარებს საქმის მასალებიდან, არც კი ისურვეს მოესმინათ რაზე დაყრდნობით მიიღო სასამართლომ გადაწყვეტილება, მათ ისედაც იციან, რომ ბრალდებულთან მიმართებაში აშკარა, დამაჯერებელი მტკიცებულებებია, რომელიც სრულად საკმარისი იყო გამამტყუნებელი განაჩენის გამოსატანად და სასამართლომ სწორი გადაწყვეტილება მიიღო. ის, რომ დამცველები აპირებენ აღნიშნული განაჩენის გასაჩივრებას, ბუნებრივია, მათი განცხადებებიდან გამომდინარე. თუმცა, ჩვენ მიგვაჩნია, რომ მათი სააპელაციო საჩივრებიც არ იქნება დასაბუთებული, ვინაიდან აღნიშნული საქმე მათ არ აძლევთ ამის შესაძლებლობას",- განაცხადა საქმის პროკურორმა.

ცნობისთვის, გიორგი შაქარაშვილის საქმეზე მსჯავრდებულ სამ არასრულწლოვანს ხუთი წლითა და სამი თვით, ორ არასრულწლოვანს ექვსი წლითა და ცხრა თვით, კიდევ ერთს კი სამი წლითა და ცხრა თვით თავისუფლების აღკვეთა მიესაჯა. კერძოდ, 5 წლით და სამი თვის ვადით თავისუფლების აღკვეთა განესაზღვრათ ლ.შ.-ს, ნ.ც-ს, გ.მ.-ს. 6 წლითა და ცხრა თვის ვადით თავისუფლების აღკვეთა შეუფარდა ა.ქ- სა და ზ.ხ-ს. 3 წლითა და ცხრა თვით თავისუფლების აღკვეთა განესაზღვრა ნ.ქ.-ს.

მსჯავრდებულების ადვოკატების განცხადებით, გადაწყვეტილებას სააპელაციო სასამართლოში გაასაჩივრებენ.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს