გრიგოლ გეგელია - “ქართული ოცნება“ აგრძელებს  დამცინავ, აგდებულ დამოკიდებულებას   ქართული დემოკრატიისადმი - მან ნება უნდა იბოძოს და მაღალი პასუხისმგებლობა გამოაჩინოს

ქართული ოცნება“ კვლავ აგრძელებს თავის საკმაოდ დამცინავ, აგდებულ დამოკიდებულებას სრულიად ქართული დემოკრატიისადმი, ამიტომ ჩვენს დღევანდელ ვითარებაში ძალიან რთულია, რომ რაიმე კონკრეტული იმედი გქონდეს, - ამის შესახებ „პალიტრანიუსის“ გადაცემა „დღის ნიუსრუმში“ პოლიტიკური პარტია „ლელო საქართველოსთვის“ ერთ-ერთმა ლიდერმა გროგოლ გეგელიამ განაცხადა.

თუმცა მან იმედი გამოთქვა, რომ სიტუაცია ნორმალიზებისკენ წავა და „ქართული ოცნება“ მოიქცევა პასუხისმგებლიანად თავისი ხალხისა და სახელმწიფოს მიმართ, ვიდრე ეს აქამდე ჩანდა „ცინიკურ და აბსურდულ შეფასებებში“.

„ჩვენთვის უმნიშვნელოვანესია, პირველ რიგში, ის, რომ ვიბრძვით სამართლიანობისთვის, ჩვენთვის თვითმიზანი არ არის პარლამენტში არ შესვლა და ბოიკოტი, პირიქით ჩვენ ვესწრაფვით ნორმალიზებას. რა თქმა უნდა, ნორმალიზება არის კარგი, მაგრამ არა ამ პირობებში, როდესაც მიტაცებულია სამართლიანი არჩევნები, მიტაცებულია ჩვენი ხმები, სახელმწიფო. ამიტომ ჩვენთვის ამ ყველაფრის დაბრუნება არის უმთავრესი გარემოება. რას გულისხმობს ეს პრაქტიკულ დონეზე, პირველ რიგში, ვადამდელი არჩევნების ჩატარებას. „ქართული ოცნების“ ხელისუფლებას პასუხისმგებლობის განცდა აკლია, სამწუხაროდ და ჩვენ მას მოვუწოდებთ და ვამბობთ, რომ ეს კრიზისი ვერ გადაიჭრება და არ გადაიჭრება ცალმხრივად, ამას სჭირდება ნამდვილი დემოკრატიული საუბარი. ამიტომ „ქართულმა ოცნებამ“ ნება უნდა იბოძოს და მაღალი პოლიტიკური პასუხისმგებლობა გამოაჩინოს. გარდა ვადამდელი არჩევნებისა, აუცილებელია, რომ ახალი ადმინისტრაცია ჰყავდეს ცესკო-ს და ახალი ადმინისტრაცია გაუძღვეს ახალ არჩევნებს და ახალი წესებით ჩატარდეს ეს ყველაფერი. იმისთვის, რომ ეს 30- წლიანი უბედური წრე, რომელზეც დავდივართ, დაირღვას და ერთხელ და სამუდამოდ არჩევნები იყოს პროგრესის ინსტრუმენტი. ამისთვის ვიბრძვით ჩვენ, რომ მომავალ წლებში არასდროს ჩნდებოდეს კითხვები არჩევნებთან დაკავშირებით,“- განაცხადა გრიგოლ გეგელიამ.

მან, ამასთანავე აღნიშნა, რომ „ლელო“ ინარჩუნებს საერთო ოპოზიციურ მტკიცე ერთობას, რჩება თავისი გადაწყვეტილების ერთგული და არ შედის პარლამენტში.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება