ბრაზილიაში ბოლო 24 საათში კორონავირუსის 38 397 ახალი შემთხვევა გამოვლინდა და ინფიცირებულთა საერთო რაოდენობამ 6 მილიონს გადააჭარბა, - შესაბამის მონაცემებს ქვეყნის ჯანდაცვის სამინისტრო ავრცელებს.

ამავე მონაცემების თანახმად, ქვეყანაში კოვიდ 19-ს კიდევ 552 ადამიანის სიცოცხლე ემსხვერპლა და დაღუპულთა რიცხვმა 168 613-ს მიაღწია.

ცნობისათვის, ბრაზილია მესამე ქვეყანაა მსოფლიოში აშშ-სა და ინდოეთის შემდეგ, სადაც დაინფიცირებულთა რაოდენობა 6 მილიონზე მეტია.