რელიგიის საკითხთა სახელმწიფო სააგენტო კათოლიკეებს ყოვლადწმინდა ღვთისმშობლის ტაძრად მიყვანების დღეს ულოცავს.
როგორც სააგენტოს მიერ გავრცელებულ ინფორმაციაშია აღნიშნული, ესაა დღე, როდესაც რწმენის თანახმად, სამი წლის მარიამი იერუსალიმის ტაძარში მიიყვანეს.
„კათოლიკური ეკლესია ყოვლადწმინდა ღვთისმშობლის ტაძრად მიყვანების დღეს აღნიშნავს - დღეს როცა, რწმენის თანახმად, სამი წლის მარიამი იერუსალიმის ტაძარში მიიყვანეს. მარიამი ტაძარში დამკვიდრდა, სრულწლოვანმა ქალწულების აღთქმა დადო და თავი უფალს განაკუთვნა, შემდგომ კი მაცხოვარი მოუვლინა სამყაროს. რელიგიის საკითხთა სახელმწიფო სააგენტო ულოცავს ლათინ კათოლიკეთა კავკასიის სამოციქულო ადმინისტრაციასა და მრევლს დღესასწაულს“,- აღნიშნულია რელიგიის სააგენტოს მიერ გავრცელებულ ინფორმაციაში.