მამუკა მდინარაძე - მიდგომა, რომ „ქართული ოცნება“ მაინც იგებს, შეიძლება სწორი არ იყოს, საჭიროა მაქსიმალური მობილიზება

მიდგომა, რომ „ქართული ოცნება“ მაინც იგებს, შეიძლება სწორი არ იყოს, საჭიროა მაქსიმალური მობილიზება, - ამის შესახებ საპარალამენტო უმრავლესობის ლიდერმა მამუკა მდინარაძემ „ქართული ოცნების“ ოფისში გამართულ ბრიფინგზე განაცხადა.

მამუკა მდინარაძის განცხადებით, საღამოს გაირკვევა მართალია თუ არა ის, რომ ოპოზიცია ამომრჩევლის მობილიზებას ახდენს.

„ოპოზიციამ, სამწუხაროდ, ბევრ განცხადებას უწოდა აბსურდული, თუმცა შემდეგ მათი განცხადებების შემოწმება ხშირ შემთხვევაში ერთ დღეში გახდა შესაძლებელი. საღამოს უკვე თამამად ვისაუბრებთ. საღამოს გაირკვევა, მართალია თუ არა ჩემი ეს განცხადება, რომ ისინი ხმების, ამომრჩევლების, მათი მხარდამჭერების მობილიზებას მაინც ახდენენ. დიდი დრო არ დასჭირდება ამის გარკვევას.

იგივე ხდებოდა 2016 წელს, სადაც გახსოვთ, რომ გარკვეული შედეგი ოპოზიციის კანდიდატებმა მიიღეს და ეს არჩევნების მეორე ტურის საღამოსვე გახდა ცნობილი, ასევე გახდება დღესაც. თუმცა, „ქართული ოცნების“ ამომრჩეველს კიდევ ერთხელ მოვუწოდებ - ის მიდგომა, რომ „ქართულ ოცნება“ მაინც იგებს, შეიძლება არ იყოს სწორი, საჭიროა მაქსიმალური მობილიზება, მიუხედავად მძიმე ეპიდემიოლოგიური ვითარებისა, არ უნდა დავიზაროთ, მივიდეთ საარჩევნო უბნებზე და მხარი დავუჭიროთ ჩვენს კანდიდატს, ასევე შევახსენებ ჩვენს საზოგადოებას, რომ საარჩევნო ბიულეტენში ორივე კანდიდატის გვარია შეტანილი, მათიც, ვინც აცხადებს, რომ თითქოს არ იღებენ მონაწილეობას, თუმცა ისინი, მთელი პასუხისმგებლობით შემიძლია გითხრათ, რომ ხმების მობილიზებას ახდენენ“,- განაცხადა მდინარაძემ.

შეგახსენებთ, რომ დღეს არჩევნების მეორე ტური მიმდინარეობს. კენჭისყრა ქვეყნის მასშტაბით 17 საარჩევნო ოლქში იმართება.

იხილეთ ვიდეო: მიდგომა, რომ „ქართული ოცნება“ მაინც იგებს, შეიძლება სწორი არ იყოს, საჭიროა მაქსიმალური მობილიზება - მამუკა მდინარაძე

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!