ყველა შეთანხმდა, რომ სამმხრივი განცხადება მთიან ყარაბაღში კონფლიქტის დასრულების შესახებ იყო ერთადერთი საშუალება იმ სიტუაციის მოგვარებისათვის, რომელიც რამდენიმე კვირის წინ ძალიან მწვავე იყო, - ამის შესახებ რუსეთის საგარეო საქმეთა მინისტრმა სერგეი ლავროვმა სომხეთში გამართული შეხვედრების შემდეგ განაცხადა.
მისი თქმით, მიუღებელია მცდელობა მთიანი ყარაბაღის კონფლიქტის შესახებ რუსეთის, აზერბაიჯანისა და სომხეთის ლიდერების მიერ ხელმოწერილი განცხადების ეჭვქვეშ დაყენების შესახებ.
„ყველა შეთანხმდა, რომ ეს განცხადება იყო ერთადერთი საშუალება იმ სიტუაციის მოგვარებისათვის, რომელიც რამდენიმე კვირის წინ ძალიან მწვავე იყო. შეხვედრებზე ხაზგასმით ითქვა, რომ ამ განცხადების ეჭვქვეშ დაყენება როგორც ქვეყნის შიგნით, ასევე მის ფარგლებს გარეთ, მიუღებელია. ჩვენ დავადასტურეთ ჩვენი გადაწყვეტილება, რომ ყველაფერი უნდა გავაკეთოთ განცხადების ძალაში დარჩენის მიზნით“, - განაცხადა სერგეი ლავროვმა.