ირაკლი კობახიძე - „კარუსელებზე“ როცა საუბრობენ, ეს არის ღიმილისმომგვრელი

ძალიან მშვიდი არჩევნები იყო, - ასე ეხმიანება "ქართული ოცნების" აღმასრულებელი მდივანი ირაკლი კობახიძე საიას- ს განცხადებას არჩევნებში მათ მიერ დაფიქსირებულ დარღვევებთან დაკავშირებით. კობახიძის თქმით, არჩევნებმა რეალურად მშვიდ ვითარებაში ჩაიარა, ხოლო თუ ვინმეს დარღვევებთან დაკავშირებით რაიმე ფაქტები გააჩნია, ამას რეაგირება მოჰყვება.

"არანაირი პრობლემა არსად არ დაფიქსირებულა, თუ ვინმეს აქვს რაიმე მტკიცებულება იმის, რომ სადმე რაიმე პრობლემა იყო, წარმოადგინონ ეს მტკიცებულებები, მაგრამ აბსოლუტურად გაუგებარია, ყველა ხედავდა, რამდენად მშვიდ ვითარებაში წარიმართებოდა ეს არჩევნები და არანაირი მიზეზი და საფუძველი არავის არ ქონდა იმისთვის, რომ რაიმე პრობლემა სადმე შექმნილიყო. აქედან გამომდინარე, თუ ფაქტები იქნება, ბუნებრივია, მზად ვართ რეაგირებისთვის, მაგრამ ჩვენ მიჩვეულები ვართ - პირველ ტურშიც იგივე იყო, მეორე ტურშიც, „კარუსელებზე“ როცა საუბრობენ იმ ვითარებაში, რაც დღეს იყო, ეს არის სასაცილო და ღიმილისმომგვრელი, ჩვენი ოპონენტები ამასაც არ ერიდებოდნენ,"- განაცხადა კობახიძემ.

ცნობისათვის, საია-ს განცხადებით, კენჭისყრის პროცედურები მნიშვნელოვანი პრობლემებით მიმდინარეობდა და ადგილი ჰქონდა მათი დამკვირვებლების მიმართ განხორციელებულ მუქარასაც.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს