იოსებ ხახალეიშვილი - ყველა ერთად ვიზრუნებთ ჩვენი ძველი და საამაყო ქალაქის ახალი წარმატებებისთვის

"ქართული ოცნების" ქუთაისის მერობის კანდიდატი იოსებ ხახალეიშვილი მადლობას უხდის ყველა ქუთაისელს, ვინც მას მხარი დაუჭირა.

"დიდი მადლობა თითოეულ ქუთაისელს, ვინც მაღალი მოქალაქეობრივი შეგნებით მივიდა საარჩევნო ყუთთან და საკუთარი არჩევანი დააფიქსირა! ჩვენ ყველა ერთ საქმეს ვემსახურებით და ერთი მოტივი გვაქვს - ესაა ქუთაისის გაძლიერება, განვითარება, წინსვლა და წარმატება, თუმცა თითოეულს გვაქვს ჩვენი ხედვა და ჩვენ-ჩვენი გემოვნება ამ საკითხში.

მზად ვარ მოვუსმინო თითოეული ქუთაისელის იმ იდეასა და მოსაზრებას, რომელიც ქალაქს წაადგება და მოსახლეობის საკეთილდღეოდ იმუშავებს. არ იფიქროთ, რომ რაკი არჩევნებში თქვენი რჩეული კანდიდატი არ ვიყავი, ამიტომ ჩემთან ქუთაისის საკეთილდღეოდ საჭირო კომუნიკაციას ბარიერები შეექმნება.

ყველა ერთად, განურჩევლად პოლიტიკური გემოვნებისა, უნდა ჩავერთოთ ჩვენი ქალაქის აღმშენებლობაში. ჩვენ ერთად, თითოეული თქვენგანის თანამონაწილეობით, უნდა ვაშენოთ 21-ე საუკუნის ევროპული ქალაქი ეროვნულ ტრადიციებთან ინტეგრირებულად.

გამარჯვებას ვულოცავ ჩემს მეგობარს, კარგ ქუთაისელს, ქუთაისის მაჟორიტარ დეპუტატს ზაზა ლომინაძეს, დარწმუნებული ვარ, ის იქნება ჩვენი ქალაქის ღირსეული წარმომადგენელი საკანონმდებლო ორგანოში და წარმატებებს ვუსურვებ ქვეყნის და ქალაქის კეთილდღეობისთვის საქმიანობაში.

დიდი მადლობა პარტიას "ქართულ ოცნება - დემოკრატიულ საქართველოს“ და მის თავმჯდომარეს ბიძინა ივანიშვილს, რომელიც არის საქართველოს სტაბილურობის გარანტი. ჩემთვის დიდი პატივია ნდობა, რომელიც გამომიცხადეს. მადლობა ჩემი გუნდის წევრებს, რომლებიც დაუღალავად მედგნენ გვერდით და ყოველთვის სჯეროდათ ჩემი, მადლობა ჩემს ოჯახს თანადგომისთვის. კიდევ ერთხელ უღრმესი მადლობა თითოეულ ქუთაისელს!

ჩვენ გავიმარჯვეთ და ერთად ვიზრუნებთ ჩვენი ძველი და საამაყო ქალაქის ახალი წარმატებებისთვის!“, - მიმართა თანაქალაქელებს იოსებ ხახალეიშვილმა.

ინფორმაციას ''ქართული ოცნების" პრესსამსახური ავრცელებს.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა