აზერბაიჯანში ბოლო 24 საათის განმავლობაში კორონავირუსის 3 196 ახალი შემთხვევა გამოვლინდა და ინფიცირებულთა საერთო რაოდენობა 93 094-მდე გაიზარდა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, ვირუსს კიდევ 24 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 1 131-ს მიაღწია.
აზერბაიჯანმა კორონავირუსის გამო დაწესებული სპეციალური საკარანტინო რეჟიმი 28 დეკემბრის 06:00 საათამდე გაახანგრძლივა. აღნიშნულ დრომდე დაკეტილი იქნება ბაქოს მეტრო, შაბათ-კვირის განმავლობაში არ იმუშავებს საზოგადოებრივი ტრანსპორტი, აიკრძალება პირისპირ მომსახურება ყველგან, სასიცოცხლოდ მნიშვნელოვანი ობიექტების, მათ შორის აფთიაქებისა და სასურსათო მაღაზიების გარდა. ამასთან, აზერბაიჯანში პირბადეების ტარება როგორც დახურულ, ასევე ღია სივრცეებში სავალდებულო გახდა.