რუსეთის საგამოძიებო კომიტეტი - დადგენილი არიან მოქალაქეები, რომლებიც „სამხრეთ ოსეთის“ გენოციდში მონაწილეობდნენ - ადრე თუ გვიან მათ დააკავებენ

რუსეთის საგამოძიებო კომიტეტმა დაადგინა მოქალაქეები, რომლებიც მონაწილეობდნენ მოსახლეობისა და ოკუპირებულ ე.წ. სამხრეთ ოსეთში რუსი სამშვიდობოების გენოციდში. რუსული მედიის ინფორმაციით, ამის შესახებ რუსეთის საგამოძიებო კომიტეტის ხელმძღვანელის მოადგილემ ალექსანდრ ფიოდოროვმა განაცხადა.

მისი თქმით, ადრე თუ გვიან, მათ დააკავებენ.

„სამხრეთ ოსეთში მშვიდობიანი მოსახლეობისა და რუსი სამშვიდობოების წინააღმდეგ დანაშაულის ადგილზე მოცემულ ფაქტებზე აღიძრა სისხლის სამართლის საქმეები და შეკრებილია მტკიცებულებები ქართული მხრიდან კაცობრიობის მიმართ მშვიდობისა და უსაფრთხოების წინააღმდეგ. გარდა ამისა, დადგენილი არიან პირები, რომლებიც მონაწილეობდნენ გენოციდში. ადრე თუ გვიან, მათ დააკავებენ და ჩადენილი დანაშაულებების შესახებ საქმეები გადაეცემა სასამართლოს“ , - განაცხადა ფიოდოროვმა.

მანამდე გავრცელებული ინფორმაციით, რუსეთის საგამოძიებო კომიტეტმა დაზარალებულად აღიარა ე.წ. სამხრეთ ოსეთის 5 000-ზე მეტი მცხოვრები და რუსი სამხედრო მოსამსახურეები „ოსების გენოციდის, რესპუბლიკაში მცხოვრები რუსების მასობრივი მკვლელობის“ საქმეზე.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს