უკრაინაში ადგილობრივი თვითმმართველობის არჩევნების მეორე ტური მიმდინარეობს. მოსახლეობამ 11 ქალაქის მერი და საკრებულოს წევრები უნდა აირჩიოს. მეორე ტური იმ ქალაქებში ტარდება, სადაც პირველ ტურში კანდიდატებმა ხმების 50%-ზე მეტის დაგროვება ვერ შეძლეს.

საარჩევნო უბნები ადგილობრივი დროით 20:00 საათზე დაიხურება.

საარჩევნო პროცესს 10 000-ზე მეტი პოლიციელი იცავს.

უკრაინული მედიის ინფორმაციით, არჩევნების საბოლოო შედეგები 27 ნოემბერს გახდება ცნობილი.