ნინა კობახიძე - დღევანდელი მოცემულობით ჩვენი მიზანია, რაც შეიძლება მეტი სიცოცხლის გადარჩენა

მნიშვნელოვანია, რომ ჰოსპიტალიზებული პაციენტების რაოდენობა მინიმუმამდე შევამციროთ და ჰოსპიტალში განთავსებული პაციენტების ინტენსიურ თერაპიაში გადაყვანის რისკებიც ვმართოთ, - ამის შესახებ კლინიკების ქსელ „ჯეო ჰოსპიტალის" სამეთვალყურეო საბჭოს თავმჯდომარემ ნინა კობახიძემ, პრემიერ-მინისტრისა და კლინიკების ხელმძღვანელებთან შეხვედრის შემდეგ განაცხადა.

მისივე თქმით, სიტუაცია რთულია, თუმცა ამ ეტაპისთვის მართვადი.

„მსგავსი სამუშაო შეხვედრები ყოველ კვირას იმართება უკვე პრემიერ-მინისტრთან. მნიშვნელოვანია, რომ ჰოსპიტალურმა სექტორმა ზუსტად იცოდეს გამოწვევები, რასაც ველოდებით ყოველდღიურ რეჟიმში და თავის მხრივ სახელმწიფოსთან ვცვლით ინფორმაციას, თუ როგორ ვახდენთ ტრიაჟს ჰოსპიტალში განთავსებული პაციენტების, რამდენად მართვადია სიტუაცია, რამდენად მზადყოფნაა ინტენსიური საწოლების თუ სამედიცინო პერსონალის მეშვეობით ასევე, ჟანგბადის ქარხნების აღჭურვის თვალსაზრისით რა წინსვლები გვაქვს, - განაცხადა კობახიძემ.

კობახიძის განცხადებით, დღევანდელი მოცემულობის მიზანი რაც შეიძლება მეტი სიცოცხლის გადარჩენაა.

„ჩვენი აზრით სიტუაცია არის რთული, თუმცა ამ ეტაპისთვის მართვადი. გამომდინარე იქიდან, რომ თითოეულმა კლინიკამ ვიცით ჩვენს რეგიონში რა რესურსები მობილიზება გვჭირდება და ამ ინფორმაციის გაცვლას ვახორციელებთ პრემიერთან. მნიშვნელოვანია, რომ თავის მხრივ მოსახლეობამაც ხელი შეგვიწყოს და მაქსიმალურად შევეცადოთ, რომ ჰოსპიტალიზებული პაციენტების რაოდენობა მინიმუმამდე შევამციროთ და ჰოსპიტალში განთავსებული პაციენტების ინტენსიურ თერაპიაში გადაყვანის რისკებიც უნდა ვმართოთ. დღევანდელი მოცემულობით ჩვენი მიზანია, რაც შეიძლება მეტი სიცოცხლის გადარჩენა", - აღნიშნა ნინა კობახიძემ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა