მთიან ყარაბაღში, ნაღმის აფეთქების შედეგად, აზერბაიჯანელი სამხედრო დაიღუპა, ხოლო რუსი ჯარისკაცი დაიჭრა

მთიან ყარაბაღში რუსეთის სამშვიდობო ძალების წარმომადგენელი ნაღმზე აფეთქდა და დაიჭრა. ამის შესახებ რუსეთის თავდაცვის სამინისტრო იუწყება.

ცნობილი გახდა, რომ მომხდარის შედეგად გარდაიცვალა აზერბაიჯანელი სამხედრო, მთიანი ყარაბაღის საგანგებო სიტუაციების სამინისტროს ოთხი თანამშრომელი კი დაიჭრა.

თავდაცვის უწყების ცნობით, რუსი სამშვიდობოების ოფიცერი ბაქოს ჰოსპიტალში გადაიყვანეს, რომლის სიცოცხლესაც საფრთხე არ ემუქრება.

მათივე ინფორმაციით, ინციდენტი სოფელ მადაგიზის მახლობლად მოხდა, როდესაც რუსი სამშვიდობოების ჯგუფი, აზერბაიჯანის შეიარაღებული ძალების, მთიანი ყარაბაღის საგანგებო სიტუაციების სამინისტროსა და წითელი ჯვრის საერთაშორისო ორგანიზაციის წარმომადგენლები გარდაცვლილთა ცხედრების საძიებო სამუშაოებს აწარმოებდნენ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს